web counter
LEXO PA REKLAMA!

SHKARKO APP

App Store
Google Play

“Vdiq si qen, duke qarë”/ Donald Trump konfirmon vdekjen e liderit të ISIS

27 Tetor 2019, 14:02, Kosova & Bota CNA

Udhëheqësi i Shteti Islamik (ISIS), Abu Bakr al-Baghdadi, është vrarë në një operacion të forcave speciale të Shteteve të Bashkuara në veriperëndim të Sirisë.

Lajmin e ka konfirmuar Presidenti Trump gjatë një konference për shtyp në Shtëpinë e Bardhë.

Abu Bakr al-Bagdadi u  vra në një bastisje të kryer nga ushtria amerikane në veri-perëndim të Sirisë të shtunën.

“Mbrëmë Shtetet e Bashkuara vendosën drejtësinë. Abu Bakr al-Baghdadi është i vdekur. Ai ishte themeluesi dhe udhëheqësi i ISIS. Organizata terroriste më e pamëshirshme dhe e dhunshme në botë. Shtetet e Bashkuara e kanë kërkuar shumë vjet për Bagdadin.

Kapja ose vrasja e Bagdadit ka qenë përparësia kryesore e sigurisë kombëtare të administratës time. Ai vdiq si qen, ai vdiq si një frikacak. Udhëheqësi i Shtetit Islamik ishte fshehur në një tunel nga u përpoq të ikte duke qarë dhe duke bërtitur gjatë gjithë rrugës” ka deklaruar Trump.

Trump tha se ishte një “mision shumë i rrezikshëm” dhe falënderoi Rusinë, Turqinë, Sirinë, Irakun e kurdët për ndihmën në mision. Ai tha se kurdët i dhanë informacione të dobishme SHBA. Vdekja e Bagdadit është një tjetër goditje e fortë për ISIS-in.

Që nga viti 2016, Shtetet e Bashkuara kanë ofruar një shpërblim deri në 25 milion dollarë për informacione që ndihmojnë për të sjellë Bagdadin para drejtësisë./CNA.al





Lajmet e fundit nga