web counter
LEXO PA REKLAMA!

SHKARKO APP

App Store
Google Play

E fundit!

x

Ndërprerja e dialogut me Serbinë/ Thaçi mesazh nga Tirana

26 Tetor 2019, 10:42, Kosova & Bota CNA

Presidenti i Kosovës, Hashim Thaçi ishte i pranishëm në Samitin e Paqes për Evropën Juglindore, me temë ?Paqja, Siguria dhe Zhvillimi?, i cili u mbajt sot në Tiranë.

Gjatë fjalës së tij, Thaçi ka rikthyer vëmendjen në dialogun mes Kosovës dhe Serbisë.

Kreu i Shtetit të Kosovës, ka bërë thirrje që të niset sa më shpejtë dialogu me Serbinë, për të zgjidhur problemet e vjetra mes dy vendeve.

?Të gjitha shtetet e Ballkanit Perëndimor do ishte mirë të bëheshin pjesë e BE. Duhen zgjidhur të gjitha problemet që kanë shtetet tona mes vetes.

Sa më parë të jetë e mundur të vazhdojnë bisedimet me Serbinë, me shtytjen e SHBA dhe BE, për marrëveshje gjithëpërfshirëse. Nuk kemi kohë për të humbur. Dialogu nuk ka alternativë, përkundrazi shpejton procesin e integrimit në familjen euro-atlantike.?, ka theksuar Thaçi.

Thaçi ka folur edhe për vendimin e Këshillit Evropian, duke e cilësuar si padrejtësi ndaj Shqipërisë dhe Maqedonisë së Veriut.

“Ne në Kosovë po paguajmë çmimin e rëndë për liberalizimin e vizave. Na është bërë padrejtësi si Shqipërisë e Maqedonisë së Veriut. Por, jam i sigurt se tërë kjo nuk shkakton hamendje, dyshime dhe ngecje se çka duhet të bëjmë dhe si duhet të sillemi tan e tutje në raport me BE. Ne duam të bëhemi anëtarë të BE sa më parë të jetë e mundur, sepse nuk kemi fat tjetër historik e politik.”,- u shpreh Thaçi.





Lajmet e fundit nga