E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

Kaosi i Brexit-it vazhdon

21 Tetor 2019, 07:19, Kosova & Bota CNA

Ministri britanik i shtetit dhe i ngarkuar për Brexitin Michael Gove insiston për afatin e daljes nga BE-ja më 31 tetor.

Qeveria britanike pas dështimit në parlament i kërkoi zyrtarisht BE-së një shtyrje të afatit. Kryeministri Boris Johnson tha megjithatë që ende shpreson për daljen deri në fund të tetorit. Por ministri i shtetit Gove në një intervistë me televizionin Sky News, deklaroi, se me shtyrjen e vendimit në Parlament për marrëveshjen e Brexit-it është shtuar rreziku për një dalje pa marrëveshje.

Edhe të dielën (20.10) vazhduan konsultimet me pjesë të qeverisë për të përgatitur me intensitet ndihmën e ?”Operation Yellowhammer”. Dokumenti “Yellowhammer” përmban parashikime, se si mund të realizohet pa marrëveshja dalja nga BE-ja. Ekspertët paralajmërojnë për protesta dhe cënim të rendit publik, rradhë të gjata për kamionët në kanalin e Lamanshit dhe ngushtica në furnizimet me ushqime dhe medikamente.

Brukselit i mbërrijnë letra

Parlamenti britanik të shtunën (19.10) nuk e miratoi sikurse dëshironte kryeministri Boris Johnson marrëveshjen e daljes të negociuar me BE-në. Në vend të kësaj u vendos një kërkesë, përmes së cilës marrëveshja duhej të modifikohej në ligje, në mënyrë që ajo të mund të vlerësohej bindshëm.

Këto zhvillime e venë në pikëpyetje datën e planifikaur të shkëputjes më 31 tetor. Qeveria britanike pas shtyrjes së vendimit ? sipas parashikimit në ligjin britanik ? i kërkoi BE-së një shtyrje tjetër të Brexit-it. Megjithat kryeministri Johnson ende ka shpresa se mund t’i përmbahet afatit.

Opozita kërkon një referendum të dytë

Sidoqoftë Johnson u përball me kritika të ashpra të opozitës. John McDonnell i laburistëve tërhoqi vëmendjen, që Johnson nuk duhet të anashkalojë as parlamentin dhe gjyatat. Partia Laburiste insiston për zgjedhje të parakohshme. Gjithashtu sipas saj duhet të ketë një referendum të dytë për Brexit-in.

Ambasadorët e BE-së sipas planit u mblodhën dhe ndërmorrën formalisht procedurën e ratifikimit të marrëveshjes nga ana e BE-së. Marrëveshja e arritur në samitin e kryetarëve të shteteve dhe qeverive në Bruksel duhet të ratifikohet jo vetëm nga parlamenti britanik, por edhe nga Parlamenti i BE. Nga ana e BE-së nuk përjashtohet mundësia e shtyrjes së daljes me marrëveshje të Britanisë së Madhe. Sidoqoftë presidenti i Këshillit Donald Tusk ditët e ardhëshme do të përpiqet të verifikojë nëse të 27 vendet anëtare janë dakord për një shtyrje të re. Kjo duket e mundur, pavarësisht që presidenti francez Emmanuel Macron dhe disa të tjerë kërkuan së fundi për këtë një argument të fortë./ DW