web counter
LEXO PA REKLAMA!

SHKARKO APP

App Store
Google Play

Dështimi i negociatave/ Zaev propozon zgjedhje të parakohshme

19 Tetor 2019, 10:36, Kosova & Bota CNA

Kryeministri i Maqedonisë së Veriut, Zoran Zaev në fjalimin e tij në mbledhjen e sotme të Qeverisë, tha se vendi duhet të shkojë në zgjedhje të parakohshme.

Ky propozim i tij vjen pasi dje nuk u mor data për fillimin e negociatave me BE-në.

?Duke parë zhvillimet që ndodhën dhe pas konsultave që kam zhvilluar zgjidhja më e mirë dhe për të mos humbur kohë janë zgjedhjet e parakohshme?, theksoi Zaev, raporton agjencia e lajmeve INA.

Ai tha se me këtë propozim do të shkojë edhe në takimin e nesërm të liderëve të thirrur nga presidenti Pendarovski.

?Para dy ditesh Brkuseli na bëri padrejtësi, ne kemi kryer të gjitha obligimet. Ata nuk e mbajtën fjalën dhe nuk dhanë datë. Kjo është një gabim historik i Evropës. Falënderojmë shumicën e liderëve të Evropës. Kjo është një vendim i Evropës dhe problemeve të tyre të brendshme. Ne jemi përgjegjës dhe kjo kërkon nga ne vendim serioz, secili politikan duhet të jetë përgjegjës, dal me përgjegjësi para qytetarëve. Ëndrra evropiane e Maqedonisë nuk do të shuhet. Për këtë marr përgjegjësi, organizojmë zgjedhje të parakohshme parlamentare, ky do të jetë edhe propozimi im në mbledhjen e liderëve?, tha mes tjerash Zaev.

Ai theksoi se fokusi i tij do të jetë për reforma, integrimin euroatlantik dhe përmirësimin e jetës së qytetarëve.





Lajmet e fundit nga