web counter
LEXO PA REKLAMA!

SHKARKO APP

App Store
Google Play

E fundit!

x

Kërkesa e Prokurorisë vë në lëvizje KQZ-në/ PS braktis Kajmakun: Të përballet i vetëm

29 Tetor 2019, 17:09, Politikë CNA

KQZ ka nisur nga puna pas kërkesës që Prokuroria e Përgjithshme i bëri këtij institucioni për heqjen e mandatit të kryebashkiakut  të Vorës, Agim Kajmaku, për deklarim të rremë të të dhënave në formularin e dekriminalizimit pasi ishte konfirmuar se ai dhe Jorgo Toto janë i njëjti person.

Burime bëjnë me dije se, Drejtoria Juridike po përgatit materialet për mbledhjen e radhës, ku do të vendoset për shkarkimin ose jo të Agim Kajmakut.

Sipas ligjit të dekriminalizimit, vendimmarrja duhet të merret brenda 10 ditëve, por burime nga KQZ thonë se do të veprohet më shpejt, raporton A2.

Ajo që bën habi nga kjo situatë është se, ndërsa demokratët nuk kënaqen me shkarkimin e Kajmakut duke kërkuar deri në 4 vite burg, nga ana tjetër socialistët e kanë braktisur kryebashkiakun e Vorës në fatin e tij, për të zhvilluar betejën ligjore i vetëm.

?Rasti Kajmaku do të trajtohet sipas ligjit. Askush nuk mund të jetë mbi ligjin e dekriminalizimit. Janë çështje që i kemi sqaruar që kur ka hyrë në fuqi ky ligj. Partia Socialiste e ka kryer detyrimin e saj ditën kur ka votuar me konsensus të plotë bashkë me opozitën ligjin e dekriminalizimit?, tha Ulsi Manja.

Referuar kësaj çështje, vetë kryebashkiaku Agim Kajmaku ka pretenduar se nuk ka shkelje të ligjit të dekrimalizimit dhe se një gjë të tillë e ka përsëritur edhe në shkresën e dërguar ndaj Prokurorisë së Përgjithshme të hënën./CNA.al

Dënimi në Greqi dhe ndryshimi i emrit/ Agim Kajmaku vihet nën hetim, sa vite burg rrezikon





Lajmet e fundit nga