E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Zbardhet takimi Rama-Mitsotakis/ Ja çështjet e rëndësishme që u diskutuan mes liderëve

29 Tetor 2019, 17:36, Politikë CNA

Kryeministria ka zbuluar detaje nga takimi i kryeministrit Edi Rama me homologun grek, Kyriakos Mitsotakis, që u zhvillua ditën e sotme në Greqi, gjatë pjesëmarrjes së kryeministrit Rama në forumin e BE-Ligës Arabe.

Përmes një deklarate për mediat, Kryeministria bën me dije se në takim janë diskutuar çështjet me interes të përbashkët midis dy vendeve, si patentat, por edhe pronat dhe vetëdeklarimi/censusi, ështje e cila ndiqet me shqetësim nga minoriteti grek.

Po ashtu, në takim Mitsotakis ka theksuar se ?Greqia mbështet prespektivën europiane të vendeve të Ballkanit Perëndimor, për sa kohë këto vende përmbushën të gjitha kërkesat për anëtarësim.?

Deklarata e Kryeministrisë:

Kryeministri Edi Rama është pritur në një takim me frymë pozitive nga Kryeministri i Greqisë Kyriakos Mitsotakis.

Në këtë takim u diskutuan të gjitha çështjet e përbashkëta. Kryeministri i Shqipërisë theksoi se pavarësisht vendimit të Këshillit të BE-së, Shqipëria do të vazhdojë zbatimin e reformave me të njëjtën vendosmëri.

Në të njëjtën kohë është në interesin e Shqipërisë po aq sa është në interesin e Greqisë fqinje, theksoi Rama, të diskutohen të gjitha çështjet me interes të përbashkët dhe të forcohet bashkëpunimi mes të dyja palëve. Kyriakos Mitsotakis theksoi se Greqia mbështet prespektivën europiane të vendeve të Ballkanit Perëndimor, për sa kohë këto vende përmbushën të gjitha kërkesat për anëtarësim.

Më tej, ai mirëpriti angazhimin e palës shqiptare për të vazhduar punën me çështjet e pronave dhe të vetëdeklarimit/censusit, të cilat janë shqetësime për minoritetin grek në Shqipëri.

Veç kësaj, Kryeministri grek theksoi se marrëveshja bilaterale për njohjen e ndërsjelltë të patentave do të kalojë së shpejti për miratim në parlamentin grek. Kryeministri i Shqipërisë ftoi Kryeministrin e Greqisë për të vizituar Shqipërinë në të ardhmen e afërt, ftesë të cilën ai e pranoi./CNA.al