web counter
LEXO PA REKLAMA!

SHKARKO APP

App Store
Google Play

E fundit!

x

Thirrja e Ogës: "Nëse po mendon të largohesh, mos ik, mendoje edhe njëherë!"

27 Tetor 2019, 08:26, Sociale CNA

“Nëse po mendon të largohesh, mos ik, mendoje edhe njëherë! Nëse po mendon të kthehesh, eja, mos e mendo dy herë!” Janë këto dy prej frazave të gjendura në tekstin e publikuar nga blogeri Edi Oga në faqen e tij në rrjetet sociale.

I prekur nga ikja masive e shqiptarëve Oga e ka nisur ditën e diel me këtë thirrje, pasi më parë shkruan se Shqipëria është vendi më i bukur në botë.

“Ne ia kemi bërë vetes!
Ne plasëm duke thënë: “Shqipëria është vendi më i bukur në Botë! Ejani vizitoni Shqipërinë!”
Erdhën, e panë, u bindën dhe tani po na përzënë nga vendi ynë!
Kush është ai që nuk e do për vete një gjë të bukur!
E ka thënë dikur Naimi:
“Lum kush të rronjë/ta shohë zonjë!”
Ta shohë në kuptimin ta shohë e ta prekë. Ta jetojë e ta shijojë. Jo ta shohë nga larg, nga Gjermania, nga Kanadaja… jo ta shohë në televizor si ‘zonjën’ e tjetërkujt… jo ta shohë me sy e të plasë me zemër!
Të plasë nga pendesa që e la edhe pse mund të rezistonte dhe pak, nga pendesa që nuk u kthye kur shpirti ia kërkonte të kthehej.
Nuk e kam forcën e një poeti si Naimi, por po e shpreh me fjalë të thjeshta:
Nëse po mendon të largohesh, mos ik, mendoje edhe njëherë!
Nëse po mendon të kthehesh, eja, mos e mendo dy herë!
Le të rrimë këtu!
Shqiptarët e meritojnë Shqipërinë!” shkruan blogeri Oda./CNA.al





Lajmet e fundit nga