E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Skandali/ Ja si Veliaj grabit qytetarët me gjoba

23 Tetor 2019, 08:27, Denoncim CNA

Bashkia e Tiranës prej disa kohësh ka aplikuar tarifa për parkingjet publike, që me gjithë çmimet janë ndër më të lartat në Europë, pasi çmimi është gati një euro ora, por ndërkohë edhe pse ti paguan, policia bashkiake vijon të vendosë gjoba.

Dhe kjo shumë parash, sikurse thuhet në vetë mesazhin e institucionit, pra Bashkia e Tiranës, shkon për gjelbërimin e kryeqytetit.

Në një qytet patjetër, të gjithë ata që e përdorin për parkingje apo lëvizje me makina duhet të paguajnë një taksë të caktuar. Por, në rastin e mëposhtëm del qartë se Bashkia e Tiranës vjedh dhe grabit qytetarët me gjoba.

Pra, nuk ka një tarifë e cila vendoset për parkimin dhe që më pas kjo shumë përdoret për gjelbërimin, por ka gjoba për të bërë ose planin e dhënë nga Bashkia për të mbushur thesin e Veliajt ose gjoba abusive të cilat tregojnë si sillet ky institucion dhe nga ana tjetër kush nga qytetarët që nuk e kupton e paguan, ndërsa kush e kupton që i kanë shkelur të drejtat ankohet. Mund të fitojë, por i duhet të sorollatet nëpër zyra.

Ky është një nga rastet më flagrante që po sjell CNA.al. Rasti në fjalë ka ndodhur dje, në zonën e Pazarit të ri.

Drejtuesi i mjetit ka parkuar rreth orës 18:30 dhe sipas mesazhit që shikoni në foton e mëposhtme ka çuar sms-në përkatëse duke bërë dhe pagesën online, në lidhje me parkingun që do të shfrytëzonte. Më pas ka bërë edhe një pagesë të dytë, nga ora 19:31 dhe është bërë shtyrja e orës së parkimit, deri në 20:30.

Por, çfarë ka ndodhur?

Qytetari sërish është gjobitur. Polici me emrin Mario Hasa, emri i të cilit me vështirësi lexohet në fletën e gjobës, pasi edhe e shkruara është si analfabet, i ka vendosur një gjobë mjetit në orën 19:16.

Po të shikosh me pak kujdes në anën e gjobës, duket qartë se ora e vendosjes së gjobës nga polici është 19:16 minuta.

Pra, mjeti është gjobitur gjatë kohës që ka pasur pagesën e parkingut nga mesazhi i parë.

Qytetari vazhdon pagesën e tij, çon edhe mesazhin e dytë dhe kur kthehet në mjet gjen gjobën.

Ky është një nga ato rastet me flagrante të abuzimit dhe vjedhjes që u bëhet qytetarëve. Pra, ka nisur dy herë mesazhe, prej orës 18:30 deri në orën 20:30, ka paguar edhe 200 lekët për parkimin, por ndërkohë në mjet gjen 1 mijë lek të reja gjobë për parkim. Ndërkohë që parkimi ishte bërë në vend të rregullt dhe ishte bërë edhe pagesa me SMS sipas tarifës së vendosur nga Bashkia.

Kjo që bën Bashkia dhe punonjësit e saj është një vjedhje e hapur, për qëllime të cilat ky institucion duhet t?i sqarojë. Janë gjoba për të mbushur arkën që ndoshta Lali Eri e ka zbrazuar, apo futja t?ia fusim qytetarëve, se ata mbajnë./ CNA.al