E fundit!

18:19 Aktualitet

“E shite apo s’e shite vilën në Itali?”/ Balla shënjestron Shehajn: Mos e nxjerr Kadastra italiane që e ke ende

Kryetari i Grupit Parlamentar të Partisë Socialiste, Taula...

Rrëfimi i gazetarit për 11-vjeçarin shqiptar në kampet e ISIS/ Rama nuk na është përgjigjur

21 Tetor 2019, 19:50, Sociale CNA

Në një lidhje direkte përemisionin ?Open? gazetari italian Taulant Kopliku ka treguar me detaje se si qëndron situata e 11 vjeçarit, Alvin Berisha.

Sipas gazetarit, ka një sensibilizim të madh nga politika italiane, por edhe qytetar dhe artist italian apo edhe shqiptar, mirëpo mungon sensibilizimi nga ana e qeverisë shqiptare.

Kopliku shpreh se ka kontaktuar disa herë kryeministrin, por nuk ka marrë një përgjigje nga ky i fundit.

?Ju siguroj që jo vetëm nga politika italiane, por edhe nga persona të ndryshëm të artit dhe të kulturës në Itali kanë patur interesim për Alvinin. Ka patur një sensibilizim të madh. Këto personazhe kanë kërkuar të bëjnë vullnetarizëm të paktën nga ana financiare, por këtu nuk bëhet fjalë për financa por për të dalë Alvini nga aty.

Po ashtu ka me dhjetra telefonata nga shqiptarë si në Itali, por edhe në Shqipëri që kërkojnë të bëjnë dicka. Ka një solidarizim të madh edhe nga shqiptarët.

Shpresoj që qeveria shqiptare të jetë duke punuar në fshehtësi,sikurse ju thatë, por me ne nuk ka patur asnjëlloj kontakti. Ka patur 2 telefonata ndaj kryeministrit Rama dhe ai nuk është përgjigjur. Ndoshta është e drejta e tij sepse nuk njihte numrin.

Po ashtu, zoti kryeministër ka një mesazh zanor në whats app.

Pak kohë më parë dikush nga Danimarka ka tërhequr 3 persona dhe koha që është dashur të tërhiqen ka qenë 10 minuta. Nuk është shumë e gjatë koha që duhet për tërheqjen e këtyre personave.

Si interlekutor aty ka shërbyer një përson, Ministër i Jashtëm i atij vendi, me emërin Abdyl Ahmid, i cili ka dhënë edhe numër telefoni. Këta autoritete kanë kërkuar qoftë edhe një kontakt dhe në këtë mënyrë fëmijët do të mund të transportoheshin duke u larguar nga Haizeken, në një territor të ndërmjetëm.

Këto informacione na i dhanë shërbimet e brendshme në qytetin e Al -Holit?, është shprehur gazetari Taulant Kopliku./ CNA.al