web counter
LEXO PA REKLAMA!

SHKARKO APP

App Store
Google Play

E fundit!

x

“Ishte e paralajmëruar”/ Jorida Tabaku zbulon shkaqet e rënies së ekonomisë

8 Tetor 2019, 11:54, Ekonomi CNA

Ish-nënkryetarja e Komisionit të Ekonomisë, Jorida Tabaku ka reaguar pas raportit të Bankës Botërore, për ekonominë.

Në një postim në rrjetet sociale, Tabaku shkruan se kjo është një rënie e paralajmëruar.

Më tej, ajo thekson se shkaqet e një rënie të tillë ekonomike lidhen me situatën jo vetëm politike por edhe me drejtimin e gabuar që ekonomia në vend ka marrë.

?Çfarë po dëgjojmë sot nga goja e zyrtarëve të lartë të Bankës Botërore është një realitet i hidhur i paralajmëruar me kohë nga PD. Shqipëria ka një rritje ekonomike 2.9%, pra më të ulët se sa parashikimet dhe me gjasë kjo ulje do të thellohet më shumë në vijim. Shkaqet e një rënie të tillë ekonomike lidhen me situatën jo vetëm politike por edhe me drejtimin e gabuar që ekonomia në vend ka marrë. Një presion i gjithanshëm shtetëror karshi biznesit, taksat e larta që rëndojnë xhepin e qytetarit dhe një klimë armiqësore investimesh.?-shkruan ndër të tjera Tabaku.

Po ashtu, ajo thekson se Shqipëria është kthyer në një han pa porta ndërsa ekonomia vazhdon të ndëshkohet nga sjellja pa vizion e qeverisë dhe mazhorancës. Vendi po varfërohet përditë e më shumë ndërsa shqiptarët janë të parët për azilkërkues nga BE-ja.

?Krahu i punës po bie, biznese po mbyllen ndërsa qeveria vazhdon shpërndarjen e PPP-ve si certifikata të së ardhmes.

Ciklin rënës nuk mundet ta ndalojë kjo mazhorancë, ky kryeministër dhe kjo qeveri. Ne, kemi ofertën e duhur për të nxjerrë nga bataku i çmendurisë që e kanë futur ekonominë ata që duan ta shesin Shqipërinë në tregun e PPP-ve dhe varfërisë.?-përfundon postimin e saj ish-deputetja demokrate.

BB “shuplakë” qeverisë/ Janë shtuar rreziqet nga PPP-të, publikoni përfituesit e incentivave fiskale





Lajmet e fundit nga