web counter
LEXO PA REKLAMA!

SHKARKO APP

App Store
Google Play

"Po ushqehemi me të ardhura kriminale"/ Eksperti i ekonomisë ngre alarmin

7 Tetor 2019, 20:51, Ekonomi CNA

Ekonomia kriminale në Shqipëri përbën 20% të GDP.  Kështu u shpreh ish kryeadministratori i Agjencisë së Administrimit të Pasurive të Sekuestruara dhe Konfiskuara, Hekuran Vladi në TV “Ora News”.

Sipas tij, shqiptarët sot po ushqehen me të ardhura kriminale, ndërsa solli si shembull uljen e kërkesës, por në mënyrë paradoksale rritjen e ofertës për apartamente.

?Biznesi në të cilin paratë pastrohen në Shqipëri është biznesi që na rrethon. Është biznesi i ndërtimit. Ne shohim uljen e kërkesës nga apartamentet, nga ana tjetër rritja e ofertës me çmime që janë në rritje dhe apartamente që shiten. Apartamente që i blejnë engjëjt. Këto engjëj janë ato që unë i quaj në një shkrimin tim në mënyrë metaforike “rroftë shoku kriminel”. Është një peshë e ekonomisë kriminale që shkon diku tek 18-20 % e GDP, pa të cilën ekonomia shqiptare falimenton. Ne po ushqehemi nga të ardhurat kriminale, realisht. Pasi pesha e ekonomisë kriminale në vend është rreth 20% e GDP, ose një e pesta.

Nëse në një periudhë 10-vjeçare janë kthyer sërish në duart e kriminelëve 200 mln euro (shifër orientuese) jo më pak se 50 mln janë në xhepin e prokurorëve, gjykatëvse dhe personave të tjerë në policinë e shtetit. Pra këto para janë pasuri në formë ndërtimesh, cash dhe pasuri të tjera nën zotërimin e gjykatësve apo prokurorëve apo zyrtarëve të tjerë.?/CNA.al





Lajmet e fundit nga