E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Gjermania i jep Shqipërisë 10 milionë euro për bujqësinë

24 Shtator 2019, 19:29, Ekonomi CNA

Ministria e Bujqësisë dhe Zhvillimit Rural në bashkëpunim me GIZ, prezantuan sot programin “Zhvillim i Qëndrueshëm Rural” (SRD), i financuar nga Ministria Federale Gjermane e Ekonomisë Bashkëpunimit dhe Zhvillimit (BMZ), i cili synon të përmirësojë kushtet për mundësi të qëndrueshme të gjenerimit të të ardhurave në zonat rurale.

Eventi i organizuar në ambientet e Ministrisë së Bujqësisë dhe Zhvillimit Rural (MBZHR) mblodhi institucione publike në fushën e bujqësisë dhe turizmit, institucionet kërkimore dhe arsimore, organizatat këshilluese dhe trajnuese, bizneset inovative të agroturizmit dhe OJQ-të përkatëse.

Gjatë fjalë së saj zv.ministrja e Bujqësisë, znj. Ermira Gjeçi, tha se ky projekt është shumë i rëndësishëm për zonat rurale të vendit tonë.

?2 milionë euro për fazën e parë janë një ndihmë shumë e madhe për ata që jetojnë në zonat rurale dhe për krejt ekonominë tonë kombëtare, pasi krijon një perspektivë të re për zhvillimin e sektorit bujqësor. Shtesa prej 8 milionë euro që do të miratohet së shpejti, pritet të krijojë një impakt më të madh në këtë projekt dhe të zgjerojë gamën e ndërhyrjeve që ne duam të bëjmë. Diversifikimi ekonomik në zonat rurale dhe rritja e konkurrencës në sektorin e bujqësisë dhe turizmit, do të gjenerojnë më tepër vende pune dhe të ardhura shtesë për ata që jetojnë në fshat?, tha Gjeçi.

Sipas saj programi ka vlerë të shtuar faktin që fokusohet ndër të tjera edhe tek të rinjtë që kanë investuar në sektorin rural, duke krijuar apo menaxhuar ferma ose pika agroturizmi.

?Gjermania mbetet një nga partnerët tanë të rëndësishëm në fushën e shkëmbimeve tregtare dhe sidomos në zhvillimin e sektorit të bujqësisë dhe zonave rurale. Ky projekt me GIZ është në vazhdën e shumë projekteve të tjera që ne kemi patur dhe besoj se do të vijojmë të kemi në të ardhmen?, tha zv.ministrja Gjeci.

I pranishëm në event ishte edhe ambasadori i ri i Gjermanisë në vendin tonë, z. Peter Zingraf./CNA.al