web counter
LEXO PA REKLAMA!

SHKARKO APP

App Store
Google Play

Andi Përmeti “shkund” Kuvendin/ Kjo është beteja jonë, kjo është një luftë e madhe

3 Tetor 2019, 08:48, Politikë CNA

Deputeti i Bindjes Demokratike, Andi Përmeti ka folur me tone të forta sot gjatë seancës plenare në Kuvendin e Shqipërisë.

Ndërsa po diskutohej rezoluta për çeljen e negociatave, deputeti Përmeti tha se të vjen keq kur sheh fqinjët tanë që nuk kanë asnjë kusht, ndërsa ne kemi nëntë kushte duke qënë sërish vagoni i fundit.

Andi Përmeti u ndal në tre pika, që sipas tij janë më të rëndësishmet, si administrata publike, Reforma në Drejtësi dhe Reforma Zgjedhore.

?Administrat publike, vetëm emrin ka të tillë, sepse në fakt është administratë private e Edi Ramës. Me kujtohet kur Rama tha se burrat do i heqim, gratë do i mbajmë. Me këtë ka dashur të tregojë, se vendos ai.

Më tej, urdhëroi dorëheqjen e të gjithë drejtorëve burra të Shkodrës, me pretendimin se ata janë më të korruptuar se gratë. Kjo nënkuptonte se Rama si burrë është më i korruptuar se zonja Balluku, dhe duhet të dorëhiqet apo nuk ndihet burrë, ndihet më shumë femër??-tha Përmeti.

Më tej, sa i takon Reformës në Drejtësi, deputeti Përmeti tha se qytetarët e besojnë sepse në mes janë ndërkombëtarët, sepse sipas tij, tek Rama nuk beson njëri. ?Nëse do ishte për Ramën, reforma do ishte si drejtësia për Tahirin?-u shpreh Përmeti.

Një ndër pikat më të rëndësishme, sipas deputetit Përmeti është edhe Reforma Zggjedhore.

?Reforma Zgjedhore është ajo që keni frikë ju dhe ata që janë jashtë. Ne duam të ndryshojmë sistremin zgjedhor. Duam ti heqim fuqinë kryeministrit dhe atij që është jashtë që të mos vendosin ata se kush do vijë në këtë parlament . Duhet të jenë qytetarët ata që do të zgjedhin se kush do ulet në këto karrige. Kjo është beteja jonë. Lufta jonë është e madhe?-deklaroi Andi Përmeti./ CNA.al





Lajmet e fundit nga