web counter
LEXO PA REKLAMA!

SHKARKO APP

App Store
Google Play

“Ky është fundi i botës”/ Reagimi i fortë pas skandalit të denoncuar në "Fiks Fare"

2 Tetor 2019, 06:56, Sociale CNA

Ish-deputetja e Lëvizjes Socialiste për Integrim, Nora Malaj ka reaguar me tone të forta, pas skandalit të publikuar nga emisioni incvestigativ Fiks Fare, në lidhje me abuzimet seksuale në Shtëpinë e Fëmijës, Zyber Hallulli.

Në një postim në rrjetet sociale, Nora Malaj shkruan se kur shikon se çfarë po ndodh me institucionet e edukimit kupton se ky është fundi i botës.

?As tërmeti nuk është aq shkatërrues , sa ajo qe emisionet Fiks Fare dhe Stopi treguan sot me zë e figurë, dramën e fëmijëve të abuzuar seksualisht që në moshën 8- vjecare dhe rrjetin e prostitucionin që po organizohet ne vendin tone, nëpërmjet abuzimit të vajzave për shfrytëzim seksual- shkruan Nora Malaj.

Postimi i plotë i Nora Malaj:

Ky është fundi i botës!

Teksa shohim skenat e tmerrshme dhe ajo cfarë ka ndodhur e po ndodh në institucionet tona te edukimit, kupton se ky është fundi i botës!
As tërmeti nuk është aq shkatërrues , sa ajo qe emisionet Fiks Fare dhe Stopi treguan sot me zë e figurë , dramën e fëmijëve të abuzuar seksualisht që në moshën 8- vjecare dhe rrjetin e prostitucionin që po organizohet ne vendin tone, nëpërmjet abuzimit të vajzave për shfrytëzim seksual.
Nuk di sesi mund të rrimë të qetë e të llomotisim nëper banaqe kur jeta e fëmijëve tanë është në rrezikë e drama që po përjetojmë si Komb , po na kthehet në katastrofë sociale!
Drogê, Shqiperia është shndërruar në qendrën e trafikut të drogës në Europë, vrasje, prostitucion dhe abuzim seksual, keto janë temat që po artikulohen sot në media më 1 Tetorë! Tmerr! Dhe fjalët kanë mbaruar !
As rroj, as vdes po jam pa fjalë!/ CNA.al





Lajmet e fundit nga