web counter
LEXO PA REKLAMA!

SHKARKO APP

App Store
Google Play

Ekskluzive/ CNA.al zbulon ku po e kalojnë fundjavën dy deputetët "rebelë" të opozitës 

29 Shtator 2019, 19:08, Politikë CNA

Kalimi i fundjavës nga politikanët dhe deputetët përherë ka përbërë kuriozitet për faktin se prej tyre përcaktohet dhe mirëqënia ekonomike financiare e përfaqësuesve të kësaj kategorie shoqërore, që në pjesën dërmuese deklaron si burim ligjor jetese të ardhurat nga paga.

Duke qenë kështu, sot CNA.al do të sjellë fundjavën e dy prej deputetëve të opozitës, përkatësisht Myslym Murrizit, që është dhe zvendëskryetar i Parlamentit, si dhe Lefter Maliqit, deputet i listës së PD-së, për qarkun e Beratit. Që të dy të njohur për qënien “të pabindur” ndaj urdhërave të kryetarit.

I pyetur nga CNA.al se ku po e kalonte këtë fundjavë të bukur vjeshte, deputeti Murrizi u përgjigj:

“Në Vjen, nga OSBE-ja për të ndjekur zgjedhjet parlamentare që kishte sot  Austria”.

Ndërkohë po të njejtës pyetje deputeti Maliqi iu përgjigj shpërthyeshëm:

“Si  çdo fundjavë unë vazhdoj kontaktet me banoret e qarkut Berat, me vizita, ngushëllime dhe ngjalljen e optimizmit, pasi ka jo pak që ndodhen në krizë ekonomike e shpirtërore, nga ikja e fëmijëve emigrant, dhe u ka humbur shpresa e besimi tek politika, pasi mbeten të papërfaqësuar dhe nuk njohin deputetët e tyre. Nga që deputetet, sidomos ata të mazhorancës i kanë harruar, por, dhe kur zbresin në bazë, takojnë administratën dhe strukturat e PS duke bërë show.

Kjo ndodh se pas 2008, për shkak të ndryshimit të Kushtetutës që polli sistemin elektoral me lista të mbyllura, duke ka sjell vjedhje të rezultateve të votimit, krizë, varfëri e papunësi në vend. Ndodh kjo pasi deputetët nuk zgjidhen nga populli, por nga Kryetari. Ndaj dhe këto shtatë vitet e fundit , që drejton Rilindja kemi deputet të emëruar të arrestuar ,me diploma të blera e të paaftë, të korruptuar e me të shkuar të errët kriminale në Europë dhe në Botë”./CNA.al

 

 





Lajmet e fundit nga