web counter
LEXO PA REKLAMA!

SHKARKO APP

App Store
Google Play

E fundit!

x

Përfundon pas 3 orësh mbledhja në selinë blu/ Zbardhen 5 pikat “e nxehta” të diskutimit

29 Shtator 2019, 11:51, Politikë CNA

Ka përfunduar mbledhja e kreut të opozitë, Lulzim Basha me kryesinë dhe ish grupin parlamentar.
Mësohet se gjatë mbledhjes janë diskutuar pesë pika kryesore lidhur me aksionin opozitar.
Basha është shprehur i bindur se do të ketë zgjedhje të parakohshme parlamentare dhe vendore, të cilat do të zhvillohen në një ditë.
Kryedemokrati i ka kërkuar deputetëve të shkojnë të punojnë në zonat e tyre sepse sipas tij, zgjedhjet do të jenë shumë shpejt.
Një tjetër pikë, është edhe gatishmëria për protesta.
Basha ka bërë me dije se deri para datës 18 tetor kur pritet vendimi për çeljen e negociatave për Shqipërinë, nuk do të ketë asnjë protestë.
Çështja tjetër e diskutuar në mbledhje është ritmi i punës në terren.
?Përgatitja e PD për zgjedhje të parakohshme parlamentare dhe zgjedhje vendore në 1 ditë. E gjithë partia, jo vetëm forumet, zbret në terren dhe nis diskutim me qytetaret për zgjedhjet e parakohshme si zgjidhja e vetme e krizës?, ka qenë porosia e Bashës.

Gjithashtu gjatë kësaj mbledhje është diskutuar edhe për paketën antikrizë që sipas Bashës do luftojë krimin e organizuar dhe do të sjellë rritjen e ekonomisë.
Edhe Reforma Zgjedhore ka qenë në qendër të diskutimeve në mbledhjen e kësaj të diele, në selinë blu./CNA.al





Lajmet e fundit nga