web counter
LEXO PA REKLAMA!

SHKARKO APP

App Store
Google Play

E fundit!

x

Shënim/ Presidenca apo Venecia, kush ka të drejtë

27 Shtator 2019, 18:55, Opinione CNA

Pas mbërritjes së raportit të Komisionit të Venecias në Tiranë, ku vlerësohej se presidenti Ilir Meta ka tejkaluar kompetencat kushtetuese për nxjerrjen e dekretit që anullonte mbajtjen e zgjedhjeve lokale në 30 qershor, reagoi rrufeshëm edhe presidenca.

Nëpërmjet një postimi të zëdhenësit Tedi Blushi, institucioni më i lartë i shtetit i kundërvihej argumentave juridike të Komisionit, duke theksuar “guximshëm” se Presidenti nuk ka bërë asnjë shkelje etj.

Madje jo vetëm kaq por, e theksojmë: pa asnjë argument juridik dhe pa asnjë etikë, presidenca e akuzon Komisionin presticioz, për vendimin e të cilit në nisje të punës verifikuese shprehej se do t’ia zbatonte çdo lloj konkluzioni, se nuk kishte hartuar një raport, por një trakt tendencioz politik jo në mbrojtje të Kushtetutës.

Por ajo që e bën edhe më qesharak institucionin e Presidentit është fakti se në mbrojtje të veprimit antikushtetues të këtij të fundit nuk sjell asnjë argument juridik por vetëm moralitete të tillë si: ” E dinë të gjithë shqiptarët dhe ndërkombëtarët…Presidenti ka shmangur gjakderdhjen…” etj. që nuk kanë asnjë vlerë kushtetueshmërie.

“ZERO SHKELJE TË KUSHTETUTËS! HARROJINI TRAKTET e porositura ngado që të vijnë! E dinë të gjithë shqiptarët dhe ndërkombëtarët me integritet se Presidenti i Republikës ka MBROJTUR Kushtetutën, rendin demokratik dhe pluralizmin politik, dhe ka SHMANGUR gjakderdhjen dhe Rajshtagun!

DËGJONI Bundestagun! ULUNI URGJENT dhe ZGJIDHNI krizën e rëndë politike para se t?i shtoni kushte të tjera Shqipërisë!”, është teksti i reagimit të zëdhenësit presidencial Blushi, që në vend ti verë vëtullat i heq dhe atë pak shikim kushtetues, që i ka mbetur presidentit Ilir Meta./CNA.al





Lajmet e fundit nga