Çfarë ndodh nëse Tramp i mbijeton nismës së shkarkimit nga demokratët?

26 Shtator 2019, 06:21, Blog CNA

Nga Bill Schneider ?The Hill?

Ralf Ualdo Emerson thoshte dikur:?Kur goditni një mbret, duhet që ta vrisni atë!?. Për këtë duhet të shqetësohet Kryetarja e Kongresit Amerikan, Nensi Pelozi, teksa demokratët po përgatiten të nisin procedurat e fajësimit (impeachment) kundër presidentit Donald Tramp. Po sikur Tramp të dalë i pafajshëm?

Në këtë pikë, nuk ka ende një shumicë në Kongres, për ta fajësuar shefin e Shtëpisë së Bardhë. Një shumicë në rritje demokratësh, po bën thirrje për nisjen e procedurave të ?impeachment?. Por këtyre thirrjeve, nuk i është bashkuar deri tani asnjë republikan.

Dhe tani, Senati i kontrolluar nga republikanët, nuk ka të ngjarë të dënojë dhe shkarkojë presidentin, pasi kjo do të kërkonte një shumicë prej dy të tretash. Faktori thelbësor në këtë çështje do të jenë sondazhet. Kongresmeni demokrat, Adam Shif, njëherazi kryetar i Komitetit të Inteligjencës tha:?Unë dua të sigurohem, që përpara se ta ndërmarrim këtë hap, të arrijmë të bindim publikun, se kjo ishte gjëja e duhur për t?u bërë?.

Në fakt, publiku nuk është ende i bindur. Ndërsa vlerësimi për punën e Tramp, është ende i dobët (53 për qind janë kundër në sondazhin e mesit të shtatorit të NBC News-Wall Street Journal ), sondazhet tregojnë një mbështetje të kufizuar publike, që Kongresi të nisë procedurat e fajësimit (vetëm 37 për qind pro në sondazhin e Politico-Morning Consults).

Po çfarë po e shtyn publikun të kundërshtojë impeachment-in? Sigurisht, nuk është dashuria

për presidentin Tramp. NBC Newss, raporton se Trampi ?është më i papëlqyer, se cilido nga paraardhësit e tij të fundit?. Imazhi i Trump është 51 për qind negativ, krahasuar me 38 për qind negativ për Bill Klintonin, 33 për qind negativ për Barak Obamën, dhe 25 për qind negativ për Xhorxh W.Bushin.

Tramp u zgjodh sipas ligjeve në fuqi, dhe votuesve nuk u pëlqen ideja, që vendimi i tyre të anulohet nga politikanët. Përgjigja e politikanëve? Ne kemi përgjegjësinë kushtetuese, për të mbështetur sundimin e ligjit. Sikurse u shpreh kongresmeni demokrat nga Nju Jorku Tom Malinovski:?Nëse ia lëmë në dorë popullit amerikan që ta rrëzojë, nuk e kemi mbështetur sundimin e ligjit. Dhe as kemi vendosur një precedent, sipas të cilit sjellje të tilla janë tërësisht të paligjshme?.

Mendimi i publikut është:?Do të jemi ne gjykatës të kësaj çështjeje!?. Dhe për momentin, gjykimi i tij nuk duket në favor të demokratëve. Gjysma e të anketuarve në sondazhin e NBC News-Wall Street Journal, thanë se nuk do të ?ndiheshin mirë? nga rizgjedhja e Trampit në detyrë.

Por vetëm një e treta, thonë se do të ishin ?ndiheshin shumë të mërzitur?, nëse në vend të tij do të zgjidhej Xho Bajden apo Elizabet Uorren. I akuzuar për shpërdorim pushteti, presidenti Trump po reagon si gjithmonë. Duke i sfiduar të gjithë. Ai kundërshton establishmentin politik në Uashington, median kryesore të lajmeve, Kongresin, shkencën, normat diplomatike, korrektesën politike, dhe cilindo që i del përpara.

Përkrahësit e tij e duan pikërisht për këtë sjellje.

Siç paralajmëroi bashkëshortja e tij në vitin 2016:?Nëse e godisni, ai do t?ju godasë 10 herë më fort!?. Demokratët në Kongres, besojnë se këtë herë Trampi ka shkuar shumë larg. Ai ka shkelur Kushtetutën, duke kërkuar ndërhyrjen e të huajve në procesin politik të vendit.

Po çfarë ndodh nëse demokratët e fajësojnë presidentin, dhe nuk arrijnë ta largojnë atë nga detyra? Kjo është ajo që paralajmëroi edhe Emerson:kur e godisni mbretin, po nuk ia dilni ta ?vrisni? atë (në këtë rast, në mënyrë metaforike). Lënia në detyrë e një presidenti të ?plagosur?, mund të jetë e kushtueshme.

Një betejë e ?impeachment?, mund të tubojë ?ushtrinë? e Trump, për të kërkuar hakmarrje ndaj demokratëve në zgjedhjet e vitit të ardhshëm. Edhe nëse humbet në përpjekjen e tij për t?u rizgjedhur, Tramp ka shumë të ngjarë të mbetet një faktor në politikën Amerikane. Ai mund të refuzojë të pranojë humbjen, më pretedimin se zgjedhjet janë manipuluar.

E ka bërë këtë edhe pasi fitoi në vitin 2016. Ai këmbëngul ende, se e fitoi votën popullore, por ajo u manipulua nga votimi i emigrantëve të paautorizuar. Trump ka të ngjarë të ruajë ndikimin e tij mbi Partinë Republikane, për sa kohë që ?ushtria? e tij ia del të ruajë disiplinën në garat paraprake brenda republikanëve.

Edhe diçka tjetër. Amendamenti 22 i Kushtetutës thotë:?Asnjë person, nuk do të zgjidhet më shumë se 2 herë në detyrën e presidentit?. Nëse humbet në zgjedhjet e vitit të ardhshëm, Trump do të jetë i zgjedhur vetëm një herë. Pra do të ketë të drejtë të kandidojë sërish për president në vitin 2024./Pergatiti CNA.al