E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Live-“Kanë vrarë e vjedhur”/ Saimir Tahiri i merr përpara të gjithë

21 Shtator 2019, 09:47, Politikë CNA

Ish-ministri i Brendshëm, Saimir Tahiri ka dalë sot në një deklaratë për mediat, ku ka reaguar pas vendimit të Gjykatës për Krimet e Rënda, e cila e shpalli gfajtor për shpërdorim detyre, duke e dënuar me 5 vite burg, por që konvertohet në 3.4 vite shërbim prove.

Tahiri tha se u përball me akuzat, duke kërkuar të vërtetën, pa përdorur politikën. Ai u shpreh se la mandatin e deputetit vullnetarisht, ndërsa sipas tij, të gjithë pa përjashtim, edhe pse kanë vjedhur e vrarë, kanë qëndruar në parlament.

?E lashë mandatin e deputetetit vullnetarisht. E kisha kollaj të rrija në parlament e të shfrytëzoja politikën, fundja siç kanë bërë të gjithë ata para meje, pa asnjë përjashtim. Kanë ndenjur në parlament ndonëse janë akuzar për vrasje e vjedhje.I janë fshehur drejtësisë. Unë bëra të kundërten, lashë mandatin e ndërpreva cdo aktiviet politik, i bindur se vetëm drejtësi për mua nuk do të kishte. Dhe sot vijoj të mendoj se është më mirë një rrezik nga padrejtësia, se një drejtësi e fituar nga politika?-tha ndër të tjera Tahiri.

Po ashtu ai tha se “Minstri i Brendshëm dhe nuk është akuzuar për shpërdorim detyre kur u vranë 4 qytetarë në bulevard? As Kryeministri? Ministër i Mbrojtjes nuk është akuzuar për shpërdorim detyre kur la të vdekur 28 burra, gra e fëmije në Gërdec?

Askush, ministër a kryeministër që në këto 30 vjet ka vjedhur paratë e shqiptarëve sa është shqepur, nuk është akuzuar për shpërdorim detyre?

Prandaj janë sot serbes serbes, shesin mënd në emër të popullit, siç më bëjnë mua gjyqin në emër të popullit. Po unë nuk barazohem me askënd nga këta. Historitë e tyre as më interesojnë. Më intereson e vërteta ime e kësaj të vërtetë do i shkoj deri në fund, siç më takon ta bëj, e sigurisht, siç nuk e ka bërë askush nga ata dje e nga këta sot Sot më takon të rri e të pres, të marr vendimin e zbardhur të gjykatës e ta apeloj urgjentisht.

Të ndjek çdo hap të sistemit të drejtësisë dhe të bëj atë që nuk e ka bërë asnjë politikan deri më sot, të përgjigjem me përultësi ndaj çdo akuze, vetëm me të vërtetat e mia. Ka shumë qytetarë që më besojnë, dhe i falenderoj pa masë. Pa plot të tjerë që nuk më besojnë e nuk do më besojnë kurrë. Edhe ata i falenderoj, sepse sikur të përpiqeshin të gjykonin politikanët që besojnë sa ç?më kanë gjykuar mua, ky vend një ditë do bëhej më i mirë. I falenderoj edhe gazetarët e analistët, që nuk janë kursyer. Disa për të thënë të vërtetën, disa për të thënë gënjeshtra. I falenderoj se ia kanë dalë të nxjerrin çdo forcë timen, për të provuar të vërtetën time. U them të gjithëve, prisni. Po aq sa rezultati i kësaj beteje, mua më intereson edhe mënyra si po i shkoj deri në fund. Në këtë vend, duket sikur parimet vlejnë shumë pak. Fiton më shumë ai që ia fut tjetrit. Ai që bën servilin e përkulet deri te këpucët. Por shqipëria e fëmijëve të mij, e jam shumë i bindur i plot e plot të tjerëve, as duhet e as do jetë kjo. E unë e kam bërë e do vazhdoj ta bëj këtë betejë, sikur të mos ishte vetëm beteja ime, e familjes sime, por edhe e shumë të tjerëve që në dyert e drejtësisë janë përplasur padrejtësisht. Dhe një ditë, do ia dalim!”/ CNA.al