web counter
LEXO PA REKLAMA!

SHKARKO APP

App Store
Google Play

Reagimi i Berishës për Tahirin/ Juristi plas “bombën” publikisht: Provat për ty edhe Metën i kam unë

20 Shtator 2019, 19:38, Politikë CNA

?Lumë? komentesh ka pasur në reagimin e ish kryeministrit Sali Berisha lidhur me vendimin e gjykatës për ish ministrin Saimir Tahiri.

Mes komenteve të shumta, bie në sy ai i juristit Romeo Kara, që ka disa çështje të hapura me të dhe familjen e tij.

Ai e akuzon Berishën se po i shmanget gjykimit për mega aferën ?CEZ?, për të cilën juristi thekson se i ka të gjitha provat që dëshmojnë implikimin e tij në këtë skandal, por dhe të presidentit aktual Ilir Meta. ?Bashkohem plotësisht me mendimin tënd që narkoprokuroria luan me provat. Për mendimin tim, prokuroria edhe e shmang veten me qëllim nga investigimi dhe marrja e provave. Prokuroria ka shumë më gjatë se procesi i Tahirit që mban peng procesin e privatizimit të OSHEE të bërë mysybet nga vetë ti.

Edhe kjo prokurori që pretendon se nuk po gjen dot Nule Kalajn që mori 6.8 milion euro që fluturuan tërësisht nga banka menjëherë pasi u krye privatizimi në qershor 2009.

Kur do bëhesh të pakten burrë sa Tahiri, e të kerkosh vetë që ceshtja të shkojë në gjykatë? Te ceshtja e dytë do kemi dhe Liken dhe nuk do jesh vetëm. Provat për ty i kam unë, kështu që mos e ki merakun e prokurorisë. Kush ka pak mend në koke e kupton shume mire se sa i lumtur je ti që nuk u dënua Tahiri. Shfaqja akoma nuk ka filluar seriozisht. Drejtësia e vërtetë do fillojë me ty?, shkruan Kara, në faqen e Berishës.

Komenti i juristit nuk ka marrë përgjigje nga Berisha./CNA.al





Lajmet e fundit nga