Drogë dhe municione/ Arrestohen tetë shtetas, tre të tjerë në kërkim

19 Shtator 2019, 11:36, Kronika CNA

Policia në Fushë-Krujë ka goditur dy raste të kultivimit të lëndëve narkotike, ndërsa ka arrestuar 8 shtetas dhe shpallur në kërkim 3 të tjerë, si dhe është proceduar kryeplaku i fshatit Gramëz.
Mësohet se gjatë këtyre operacioneve janë sekuestruar bimë dhe boçe Cannabis Sativa, si dhe municion luftarak.

Në bazë të informacioneve të marra në rrugë operative nga Strukturat Policore ditën e djeshme, në kuadër të operacionit “Arrameras 2″ janë arrestuar në flagrancë për veprat penale” Kultivimi i bimëve narkotike” e kyer në bashkëpunim dhe “Mbajtja pa leje e armëve shpërthyese dhe municionit”, shtetasit:

E. S., 32 vjeç, banues në Arramerras, Fushë – Krujë;
Y. S., 27 vjeç, banues në Arrameras, Fushë – Krujë;
Si edhe është shpallur në kërkim shtetasi A. S., 50 vjeç , banues në Arrameras, Fushë – Krujë.
Gjatë kontrollit të ushtruar në banesat e shtetasve të mësipërm u konstatua se në në bashkëpunim me njëri-tjetrin kanë kultivuar bimë narkotike Canabis Sativa, ku u gjetën dhe sekuestruan në cilësinë e provave materiale:

? 200 bimë Cannabis Sativa në banesat e shtetasve E. S., Y.S. dhe A.S.
? një krehër automatiku model 56 dhe 50 fishekë model 7.62 mm, në banesën e shtetasit A. S.
Në vijim është finalizuar edhe operacioni i koduar “Gramza 2”. Janë arrestuar për veprat penale “Kultivimi i bimëve narkotike”, “Prodhimi dhe shitja e lëndëve narkotike” në bashkëpunim dhe ?Mbajtja pa leje e armëve, armëve shpërthyese dhe municionit”, shtetasit:

A. C., 26 vjeç, banues në Gramëz, Fushë – Krujë;
R. C., 34 vjeç, banues në Gramëz, Fushë – Krujë;
Gj. C., 46 vjeç, banues në Gramëz, Fushë – Krujë;
G. S., 32 vjeç, banues në Gramëz, Fushë – Krujë;
Gj. S., 32 vjeç, banues në Gramëz, Fushë – Krujë;
L. S., 50 vjeç, banues në Gramëz, Fushë – Krujë.

Gjithashtu janë shpallur në kërkim dhe po punohet për kapjen e shtetasve Sh. S., 40 vjeç dhe K. S., 46 vjeç, banues në Gramëz , Fushë – Krujë.
Gjatë kontrollit të ushtruar në banesat e shtetasve të mësipërm janë gjetur dhe sekuestruar në cilësinë e provave materiale:
?150 bimë të dyshuara të llojit Cannabis Sativa;
? 9 kg boçe Cannabis Sativa
? 1 fishek model 56, kalibër 7.62 mm

Ndërkohë, është proceduar në gjendje të lire, për veprën penale “Shpërdorimi i detyrës” shtetasi Gj. L., 53 vjeç, banues në Gramëz, Fushë – Krujë, kryeplaku i fshatit Gramëz.
Materialet i kaluan Prokurorisë së Rrethit Gjyqësor Krujë për veprime të mëtejshme.