web counter
LEXO PA REKLAMA!

SHKARKO APP

App Store
Google Play

Stoku i sistemit gjyqësor/ 30 mijë procese presin rradhën për drejtësi

18 Shtator 2019, 16:40, Kronika CNA

Sistemi gjyqësor po përballet me një stok prej mbi 30 mijë procesesh gjyqësore të cilat presin rradhën e shqyrtimit. E dhena vjen nga nënkryetari i Këshillit të Lartë Gjyqësor, Maksim Qoku, gjatë një konference të Koalicionit “Drejtësi për të Gjithë” të mbajtur sot me mbështetje të Bashkimit Europian. Në të merrnin pjesë gjithashtu Qendra e Shërbimeve dhe Praktikave Ligjore të Integruara dhe organizata “Save the Children”. Po ashtu Qoku përmendi si prioritet të punës së KLGJ-së plotësimin e vendeve bosh në trupën e Gjykatës së Lartë, pasi shkarkimi i kryetarëve të gjykatave gjatë procesit të rivlerësimit krijoi një boshllëk të madh.

Nënkryetari Qoku raportoi gjithashtu se, aktualisht, janë zgjedhur  37 nënkryetarë në të gjithë gjykatat e vendit dhe se në korrik shfaqën interes për t?u bërë anëtarë të Gjykatës së Lartë 22 kandidatë, u skualifikuan 14 dhe vazhdojnë garën 8 kandidatë. Po përzgjedhja përfundon së shpejti dhe lista e të përzgjedhurave do t?i dërgohet Presidentit për emërim. Po ashtu ai vlerësoi se, deri në muajin dhjetor mbaron puna për përgatitjen e një harte të re gjyqësore të Shqipërisë. /CNA.al





Lajmet e fundit nga