web counter
LEXO PA REKLAMA!

SHKARKO APP

App Store
Google Play

Balla merr në mbrojtje Gjiknurin/ Mesazh të prerë Bashës

19 Shtator 2019, 10:44, Politikë CNA

Pas deklaratës së Gjiknurit, i cili u tregua i gatshëm të rishikojë pozicionin e tij si bashkëkryetar i Komisionit të Reformës Zgjedhore, mjafton që PD ta njohë këtë komision, ka ardhur reagimi i parë edhe nga mazhoranca.

Në një prononcim për mediat, numri dy i socialistëve, Taulant Balla jo vetëm që ka marrë në mbrojtje Gjiknurin, por i ka drejtuar edhe një mesazh të qartë kreut të PD-së, Lulzim Basha.

Sipas Ballës një person nuk mund të quhet fajtor deri në momentin që gjykata e shpall të tillë, dhe kërkesa e PD-së, për largimin e Gjiknurit është e pavend.

?Ajo që duhet të jetë e rëndësishme lidhet tërësisht me adresimet e OSBE. Unë dje kam theksuar edhe nevojë të fokusohemi te ligji i partive politike për financimet e tyre. Duhet adresuar për të reduktuar vulnerabilitetin e financimeve te PD. Unë nuk jam dakord me këtë qasje të PD që vendos kushte për përfaqësuesit e PS. Gjiknuri është një nga ekspertët më të mirë për hartimin e reformës zgjedhore. Unë nuk dua të hyj asapk në këtë debat pa kuptim. Kjo është e pakuptimtë. Kemi një situatë të tillë, në komision nuk ka përfaqësues të PD apo LSI. Në parimet themelore të drejtave të njeriut askush nuk duhet të paragjykohet nëse nuk ka një vendim gjykatë që provon fajësinë e tij. Kemi pranuar edhe kërkesën. Koha në dispozicion është e shkurtër. Kodi Zgjedhor miratohet nga Kuvendi i Shqipërisë. Rama nisur nga kjo nevojë për të respektuar votën e shqiptarëve i ka bërë një ftesë që të jenë pjesë e tryezës. Në demokraci kundërshtari përballet dhe nuk zgjidhet. Qeveria gjermane e ka mbështetur dhe e mbështet fillimin e bisedimeve për anëtarësim. Sipas Raportit të Bundestagut Reforma në drejtësi është model dhe lidhet me dy kapitujve me thelbësore për anëtarësim. Mezi pres që Kuvendi i Shqipërisë ta ushtrojë të drejtën sa më shpejt.

Pavarësia e gjyqësorit ka qenë dhe mbetet themeli i Reformës në Drejtësi”, u shpreh Balla./ CNA.al





Lajmet e fundit nga