“Zgjim! Bashkim! Ndryshim!”/ Tedi Blushi publikon mesazhet e forta të Metës

18 Shtator 2019, 20:21, Politikë CNA

Zëdhënësi i Presidentit Ilir Meta, Tedi Blushi ka publikuar disa prej mesazheve që ka dërguar sot Meta nga Strasburgu. Në postimin e Blushit, janë renditur njëra pas tjetrës mesazhet e forta të presidentit sot për Kongresin e 7-të të Bashkimit të Sindikatave të Pavarura të Shqipërisë.

?- Vlerat e demokracisë po shemben para syve tanë.

– Në Shqipëri po instalohet një politikë dhe ekonomi larg interesave të qytetarëve dhe jashtë kontrollit të tyre.

– Mungojnë zgjedhjet e lira dhe të ndershme.

– Kapen dhe bllokohen organizatat e shoqërisë civile.

– Shtypi e media janë gjerësisht nën thundrën e censurës dhe në shërbim të shtetit propagandistik.

– Që të dalim nga kjo situatë, duhet të pranojmë sa poshtë kemi rënë!

– Mjerimi ka pllakosur vendin. Investimet po shterojnë dita-ditës. Borxhi publik po paralizon ekonominë. PPP ?të po vrasin të sotmen, por edhe të nesërmen e financave publike.Kontrasti shoqëror po pasuron një grup oligarkësh dhe po varfëron çdo ditë punonjësit e të gjitha shtresave.

– Të mendojmë të gjithë së bashku për një frymë dhe model të ri politik të vendit.

– Të kthejmë zgjedhjet e lira!

– Koha kërkon prej jush dhe gjithë shoqërisë civile krijimin e një sjellje të re, e një raporti të ri me pushtetin në dobi të punonjësve, e një reagimi të fuqishëm ndaj politikave sunduese si dhe një marrëdhënieve të re shoqërore në tregun e punës.

– Betejat e mëdha kërkojnë solidaritet të fuqishëm!

– Demokracia jep frytet e vërteta kur ajo bëhet pronë e individëve atdhetarë, e drejtuesve të ndershëm politikë dhe qytetarëve active?, këto janë mesazhet e presidentit Meta të publikuara nga Blushi.

?Zgjim! Bashkim! Ndryshim!?, shkruan në fund të postimit të tij Blushi.

Kujtojmë se sot Meta ka përshëndetur Kongresin e 7-të të Bashkimit të Sindikatave të Pavarura të Shqipërisë, të mbajtur në Tiranë. Për shkak se ndodhet në Strasburg, në kuadrin e një vizite zyrtare, Presidenti Meta u përcolli sindikalistëve pjesëmarrës në këtë Kongres, mesazhin e tij përmes Këshilltarit për Pushtetin Lokal, Ylli Asllani./CNA.al