web counter
LEXO PA REKLAMA!

SHKARKO APP

App Store
Google Play

Godet Fatmir Mediu/ "Kam propozuar qeveri me figura mbi Ramën e Bashën"

18 Shtator 2019, 18:35, Politikë CNA

Nga studioja e emisionit “Mbrëmje Ide” në TV “ABC NEËS, kryetari i Partisë Republikane, Fatmir Mediu, ka folur dhe për zgjedhjet e parakohëshme si një rrugë e domosdoshme për të zgjidhur krizën e rendë që po përjeton vendi.

Duek folur për mbajtjen e tyre ai iu përgjigj dhe pyetjes nëse për hyrjen në to opozita kërkon qeveri tranzitore me Ramën, ose pa Ramën kryeministër, apo ky i fundit të qëndrojë me këtë qeveri deri në zgjedhjet e ardhshme.

“Më së pari dhe kjo është më e rendësishmja, opozita kërkon të krijohet besimi për zgjedhje të lira dhe të ndershme. Qeveri tranzitore me Ramën kryeministër, pa Ramën… Unë kam pasur një pozicion ndryshe nga të tjerët. Kam propozuar qeveri me figura, të cilat kanë qëndruar mbi Ramën, mbi Bashën etj. Mendoj se ky vend ka asete të mjaftueshme, mjafton të shikojmë, por nuk duam të shikojmë ndonjëherë”, ka qenë përgjigja e Mediut, i cili theksoi se nuk beson që Rama do ta lërë postin e kryeministrit dhe Basha do tërhiqet nga kreu i opozitës për të thënë të vem këta njerëz.

“Nuk besoj te racionalja e Ramës, besoj te e Bashës se kam komunikuar me të. Shpresoj që gjithsecili të kthehet në racionale se nuk e zgjedh kundërshtarin tim”, ka qenë përgjigja e Mediut./CNA.al





Lajmet e fundit nga