web counter
LEXO PA REKLAMA!

SHKARKO APP

App Store
Google Play

Shqipëria merr drejtimin e SEDM/ Xhaçka: Dyer të hapura për një rajon më të sigurtë

18 Shtator 2019, 08:12, Politikë CNA

Pak ditë pas zyrtarizimit të drejtimit nga Shqipëria të Ministerialit të Mbrojtjes së Evropës Juglindore (SEDM), në Tiranë u mbajt mbledhja e parë e Komitetit Drejtues Politiko-Ushtarak, ku mori pjesë edhe ministrja e Mbrojtjes, Olta Xhaçka.

Në fjalën e saj para përfaqësuesve të lartë të këtij ministeriali, ministrja Xhaçka theksoi rëndësinë e zgjerimit të nismave rajonale më anëtarë të rinj.

?Politika e dyerve të hapura do t?i japë një frymëmarrje të re nismave rajonale. Zhvillimet në Ballkanin Perëndimor janë tregues i mirë se si ky bashkëpunim, me përfshirjen e NATO dhe Bashkimit Europian mund të ndikojë në stabilitet dhe ndërtimin e shoqërive moderne e paqësore. Është koha e duhur, që të njëjtën mundësi ta shtrijmë edhe në vende të tjera aspiruese në rajon, për të forcuar kështu sigurinë rajonale dhe ndërkombëtare?, tha Xhaçka.

Ministrja e Mbrojtjes nënvizoi rolin e Shqipërisë në integrimin euro – atlantik të vendeve të rajonit, si faktor kyç, në zgjerimin e hartës së anëtarësimit për vendet e Ballkanit Perëndimor dhe një zë i fortë për sigurinë dhe stabilitetin në këto vende.

Krahas SEDM, gjatë vitit 2019, Shqipëria përmes Ministrisë së Mbrojtjes ka marrë drejtimin e disa nismave të rëndësishme për rajonin, mes të cilave dhe Ministerialin e Kartës SHBA – Adriatik apo siç njihet ndryshe A5./ CNA.al

 





Lajmet e fundit nga