web counter
LEXO PA REKLAMA!

SHKARKO APP

E fundit!

x

Meta drejt shkarkimit?/ Reagon pas takimit me delegacionin e Venecias

10 Shtator 2019, 12:24, Politikë CNA

Delegacioni i Komisionit të Venecias nisi sot takimet me drejtuesit e institucioneve më të larta shqiptare pas nismës së shumicës për të shkarkuar nga detyra presidentin Ilir Meta.

Presidenti Meta, pas takimit me ekspertët e Komisionit të Venecias, deklaroi se nëse do të ishin respektuar rekomandimet e tyre, Shqipëria sot nuk do të ishte në këtë situatë.

“Kënaqësi të prisja sot një përfaqësi të Komisionit të Venecias. Nëse do ishin respektuar rekomandimet e tyre në të kaluarën, Shqipëria kurrë nuk do të ishte në këtë situatë”, shkruan Meta në rrjetet sociale.

Ekspertët e Komisionit dëgjuan argumentet e Presidentit për anulimin e dekretit për datën e zgjedhjeve të 30 qershorit për të cilën shumica ka ngritur një komision për shkarkimin e tij, pasi e konsideroi veprimet e tij si diçka që bie ndesh me Kushtetutën.

Kujtojmë se më herët Komisioni Parlamentar i ka dërguar një letër Komisionit të Venecias ku i kërkonte një opinion në lidhje me shkarkimin e Presidentit Meta./CNA.al

It was a #pleasure to meet a delegation of the #VeniceCommission today. Had their recommendations been #respected in the past, #Albania would never have been in this situation. pic.twitter.com/adOFPOobVg

? Ilir Meta (@ilirmetazyrtar) 10 September 2019





Lajmet e fundit nga