web counter
LEXO PA REKLAMA!

SHKARKO APP

App Store
Google Play

E fundit!

x

Do të arrestohet Tahiri?/ Ish Prokurori tregon çdo të ndodh në seancën e 19 shtatorit

10 Shtator 2019, 20:06, Kronika CNA

Në studion e emisionit “Repolitix” po diskutohet rreth temës “Prokuroria 12 vjet burg Tahirit”. Ndër të ftuarit e tryezës është edhe ish prokurori Shkëlqim Hajdari, i cili gjatë diskutimit ka vlerësuar procedurën e deritanishme dhe atë që pritet të vendosë fatin e të ardhmes së tij juridike.

Ish prokurori tha se çështja  e Saimir Tahirit do kalojë një kalvar të gjatë derisa të mbyllet plotësisht. Kjo pasi për të është pranuar gjykim i shkurtuar çka presupozon faktin se nëse prokurorët e çështjes nuk e ankimojnë vendimin që do të jap Gjykata do duhet të merren të pandehur.

“Kjo çështje nuk do të zgjidhet në shkallën e parë. Në datën 19 shtator do kemi një vendim të Gjykatës. Edhe nëse e bën dhe e dënon, dënimi ekzekutohet vetëm me një vendim të formës së prerë. Pra ai nuk arrestohet javën tjetër edhe nëse dënohet. Kjo çështje do të gjykohet edhe në nivel të dytë. Në një çështje të tillë me një grup të strukturuar kriminal, të gjithë rastet e rënda që marrin gjykim të shkurtuar ankimohen nga prokurorët. Ndryshe ata prokurorë duhet të merren të pandehur. Dënimin politik Saimir Tahiri e bëri vetë. Dha dorëheqjen. Tani jemi në proces penal. Por gjyqi do prova”, tha Hajdari./CNA.al





Lajmet e fundit nga