web counter
LEXO PA REKLAMA!

SHKARKO APP

App Store
Google Play

Seanca maratonë/ Saimir Tahiri "shkund" Prokurorinë

10 Shtator 2019, 14:35, Kronika CNA

Gjykata për Krime të Rënda e ka shtyrë seancën e gjykimit të ish ministrit të Brendshëm Saimir Tahiri për në datën 19 shtator. Seanca maratonë ka filluar në orën 09 të mengjesit të sotëm dhe ka përfunduar rreth orës 16:20 minuta.

Duke iu përgjigjur interest të mediave, ish ministri i Brendshëm u shpreh i vendosur se beson tek drejtësia dhe se ka prova të mjaftueshme që provojnë pafajësinë e tij.

? Kjo është një nga betejat më të rëndësishme të jetës time, por unë besoj shumë tek e vërteta ime dhe tek drejtësia. Të gjitha këto akuza që hidhen në publik unë i provoj me prova shkencore. Nuk kam patur shpenzime marramendëse, por shpenzimet normale të një qytetari.

Prokuroria ka patur dy vite kohë për të bërë verifikimet. Unë si ministër kam bërë të pamundurën për të luftuar krimin në çdo cep të Shqipërisë. I jam sulur edhe  drejtësisë dhe prokurorëve emër për emër, sepse kam besuar që një qytetar nuk duhet të sorollatet dyerve të drejtësisë, siç po ndodh me mua sot.

Nëse Prokurora ka një përgjim, që të vërtetoj se ministri i Brendshëm harxhon 20 milionë dollarë, kur kisha vetëm 29 ditë në detyrë, duhet të hapte hetim pas hetimi.

Ai përgjim është ordiner dhe Prokuroria e din këtë. Është aq ordiner sa shkon poshtë llogjikës normale të një qytetari të thjeshtë. Prokuroria ka pasur dy vite kohë, ka hetuar pasurinë, janë 30 veta, me familjarë e të afërm që janë hetuar dhe ka rezultuar zero.

Më akuzojnë për trafik droge, kur unë  luftoja Lazaratin.

Ju e keni harruar ministrin që isha, por mos e harroni luftën që kam bërë për të luftuar kriminalitetin në këtë vend. Është gënjeshtër kaq e madhe kjo që po behet. Unë s?kam përdorur asnjë provë timen, të gjitha çfarë ka Prokuroria në dosje i ka patur aty./CNA.al

 





Lajmet e fundit nga