Gjata “kryqëzon” Ramën, Ballukun dhe Markun/ Duhet të përgjigjeni për këtë pyetje

23 Gusht 2019, 09:44, Politikë CNA

Sekretari për Çështjet Ligjore në Partinë Demokratike ka reaguar sot në lidhje me rastin e kryebashkiakut të Voprës, Agim Kajmaku, të cilin PD e akuzon se ka falsifikuar formularin e vetdeklarimit.

Në një deklaratë për mediat, Gjata akuzoi kryeministrin Edi Rama se sipas tij është ai që i mbron dhe promovon trafikantët.

?Është vetë Edi Rama ai që mbron dhe promovon trafikantët. Edi Rama e di shumë mirë që Agim Kajmaku ka falsifikuar formularin e dekriminalizimit. Edi Rama e di që Kajmaku ka probleme të hapura me drejtësinë greke dhe duhet të japë dorëheqjen. Edi Rama e di që është fakt se i përzgjedhuri i tij ka fshehur një procedim penal?-tha Gjata.

Më tej, Gjata i drejtoi një pyetje kryeministrit Rama, kryeprokurores së përkohshme, Arta Marku dhe ministres se Infrastrukturës, Belinda Balluku, në lidhje me rastin e Agim Kajmakut.

?Pyetja drejtuar Edi Ramës, Arta Markut dhe Belinda Ballukut, është se ?A është dënuar, dëbuar, arrestuar dhe shpallur në kërkim në Greqi për vepra të rënda penale dhe a e ka fshehur këtë fakt Agim Kajmaku?

Kajmaku e fshehur, por këta të tre e kanë për detyrë të thonë të vërtetën?-tha ndër të tjera Çlirim Gjata.

Deklarata e plotë:

Valdrin Pjetri, kandidati trafikant i Edi Ramës dhe Tom Doshit në Shkodër, nuk është një rast i izoluar. Një pjesë e mirë e kandidatëve të Edi Ramës në bashki të ndryshme të vendit kanë probleme me drejtësinë, për shkak të së shkuarës kriminale ose për lidhjet e tyre aktuale me krimin.

Çfarë i lidh bashkë të gjithë këta individë që e morën me pushtetin me dhunë, është Edi Rama, i cili mbron dhe promovon këdo që i shërben pushtetit të tij kriminal.

Njësoj si për Valdrin Pjetrin, Edi Rama e di se edhe Agim Kajmaku i Vorës ka falsifikuar formularin e dekriminalizimit dhe duhet të japë menjëherë dorëheqjen e të përballet me drejtësinë!

Edi Rama e di se i përzgjedhuri i tij dhe i Belinda Ballukut për Vorën ka probleme të hapura me drejtësinë greke, dhe se ai e ka fshehur të vërtetën.

Ky është një fakt që Edi Rama e di shumë mirë, madje ai e kabekuar fshehjen e precedentit penal të Agim Kajmakut. Por Edi Rama po përpiqet të blejë kohë për kriminelin tjetër që i është zbuluar në bashki, këtë herë, duke fallsfikuar dokumentat shtetërorë, siç është formulari i dekriminalizimit.

Pyetja drejtuar Edi Ramës, Belinda Ballukut, Agim Kajmakut dhe Arta Markut është e thjeshtë dhe e drejtpërdrejtë: A është dënuar, dëbuar, arrestuar dhe shpallur në kërkim ndonjëherë në Greqi për vepra penale të rënda dhe a e ka fshehur këtë fakt në vetedeklarimin e dekriminalizimit?

Agim Kajmaku iu shmang kësaj pyetje në tekst-përbetimin e ardhur të gatshëm nga zyra e Edi Ramës me sugjerimin e bashkëpunëtores së tij, Belinda Balluku. Por këta të tre, kanë detyrimin t?u thonë shqiptarëve të vërtetën:

A është arrestuar ndonjëherë në Greqi Agim Kajmaku alias Jorgo Toto?

A ka çështje të hapur penale përfaqësuesi i Edi Ramës dhe Belinda Ballukut në Greqi?

Pse Edi Rama dhe Belinda Balluku vendosën veton duke shpërfillur PS të Vorës, kur socialistët protestuan para 30 Qershorit për kryebashkiakun me probleme të Ramës dhe Ballukut?

Strategjia e Edi Ramës për të mbrojtur Agim Kajmakun me betimin se ai as nuk është i dënuar, as nuk është i dëbuar nga Greqia nuk ka asnjë vlerë.

Ajo është një strategji e dëshuar, që do të ketë vetëm një përfundim: Edi Rama do të largohet me turp si kryeministri i cili ka vetëm një ofertë për qytetarët: krimin dhe hajdutërinë./ CNA.al