web counter
LEXO PA REKLAMA!

SHKARKO APP

App Store
Google Play

Akuzat e forta/ Arta Marku, “kamikaze” e qeverisë

22 Gusht 2019, 11:58, Politikë CNA

Lëvizja Socialiste për integrim ka reaguar në lidhje me kalimin e dosjes 184, nga Prokuroria e Krimeve të Rënda tek Prokuroria e Dibrës.

Në një deklaratë për mediat, ish-kreu i grupit parlamentar të LSI, Petrit Vasili ka hedhur akuza ndaj qeverisë Rama dhe ndaj Prokurores së Përgjithshme Arta Marku, duke thënë se ata po varrosin dosjen ‘184’.

Më tej, Vasili ka cilësuar kryeprokuroren e përkohshme, Arta Marku, si një ‘kamikaze’ e qeverisë, ndërsa shton se Prokuroria e Përgjithshme po shpërdoron detyrën për kalimin e dosjes 184 në Prokurorinë e Dibrës.

“Se çfarë ndodhi në Dibër është prona e opinionit publik. Falë BILD që nxori përgjimet. Cfarë ka bërë kjo qeveri në këto vite? Nuk çuan para drejtësisë këtë dosje. Ky krim dënohet deri ne 5 vjet heqje lirie. Që nga Edi Rama e te Gjiknuri, Manja etj qe kishin dalë të vidhnin vota. Kjo prokurori është në kushtet e plota të shpërdorimit të detyrës. Dënohet deri në 7 vjet ky krim. Sot është përpara akuzës. Më shpejt i zbardhi BILD dhe VOA dhe jo prokuroria e shtetit. Beri bllokimin., Ishin urdhëruar nga Edi Rama. Si mund ta përcjelli në gjykatën  e Dibrës. Kur nën hetim janë ministra kryeministri deputet, kanë juridiksion të merret Krimet e Rënda. Kujt ja përcollën. Gjykatës me pamundësi juridike. Këtë kanë shmangur. Në mënyrë që dosja të bllokohet. E dini se çka ndodhur atje. Në Shqipëri nuk sundon ligji. Reforma në Drejtësi është sabotuar me themel. Ky anti-ligj që funksion është përgjigja popullore…” ?u shpreh Vasili./ CNA.al





Lajmet e fundit nga