web counter
LEXO PA REKLAMA!

SHKARKO APP

App Store
Google Play

Voltana Ademi nuk heq dorë nga Shkodra/ Bllokimi i fondeve, i paprecedentë

21 Gusht 2019, 11:31, Politikë CNA

Kryetarja në detyrë e Bashkisë së Shkodrës, Voltana Ademi ka reaguar menjëherë pasi Ministria e Financave dhe Ekonomisë hodhi poshtë pretendimet e saj për bllokimin e fondeve për këtë bashki.

Voltana Ademi pretendon se ky vendim është politik dhe i paprecedentë, ndërsa tregoi se do të vijojë të drejtojë Bashkinë e Shkodrës.

Edhe pse mandati i saj ka mbaruar ditën e djeshme, Voltana Ademi i ka kaluar kompetencat nënkryetares së bashkisë, Emilja Koliqi.

?Ne operojmë me fondet e familjes sonë, të banorëve të Shkodrës, si një familje e madhe. E vetmja bashki në Shqipëri që mbahet me atë se çfarë banorët e Shkodrës kontribuojmë përmes taksave dhe tarifave vendore. Bllokimi për një ditë nuk i bën asgjë Shkodrës. Është një çështje që do të shqyrtohet shpejt nga Ministria e Financave dhe maksimumi ajo mund të pengojë biznesin për përfitimet që duhet të marrin, por edhe banorët për shërbimet që duhet të marrin. Veprimi është i paprecedentë, është politik në atë që kam lexuar nuk mund ta imagjinoj që një nëpunës civil të shprehet për mandate politike lidhur me një bashki. Është një tagër që nuk i takon. Është përgjegjësi institucionale dhe individuale, në atë që ata kanë shkruar me e-mail me bashkinë e Shkodrës. Nuk ka komunikim zyrtar, është e pamoralshme?-tha Voltana Ademi.

Gjithashtu Ademi u tregua e prerë se nuk do të heqë dorë nga qëndrimi i saj dhe se ajo vijon të jetë kryetare e Bashkisë së Shkodrës.

?Unë jam kryetarja e Bashkisë së Shkodrës, kur them që duhet t?i jepet mundësia për zgjedhje, duhet të jetë mundësi për alternativa zgjedhjesh. Legjitimiteti i Këshillit Bashkiak nuk e vendos kryetari i Bashkisë, reagimi qytetar ka qenë. Do ja lëmë qytetarëve të vendosin në ditët në vijim se çfarë do të ndodhë. Bashkia e Shkodrës në asnjë rast nuk do të veprojë kundër ligjit. Kjo periudhë është periudhë tranzitore. Duhet të shkojmë me domemos në zgjedhje?-u shpreh Ademi.

Bllokoi fondet për Bashkinë e Shkodrës?/ Ministria e Financave përgënjeshtron Ademin





Lajmet e fundit nga