PD paralajmëroi protesta në Shkodër/ “Surprizon” PS, ja vendimi i papritur

19 Gusht 2019, 07:48, Politikë CNA

Pavarësisht vendimit të Valdrin Pjetrit për t?u tërhequr nga marrja e detyrës së kryebashkiakut pas akuzave të PD-së se është i dënuar në Itali për trafik droge, Partia Socialiste duket se nuk do të heqë dorë nga Shkodra. Ditën e sotme pritet që të konstituohet Këshilli Bashkiak i Shkodrës.

Por, ndërkohë që PD ka paralajmëruar protesta për të bllokuar konstituimin e Këshillit Bashkiak, PS ka marrë një vendim të papritur.

Burimet bëjnë të ditur se PS ka vendosur të ndryshojë vendin e konsitutimit të Këshillit Bashkiak. Po sipas të njëjtave burime, bëhet e ditur se konstituimi nuk do të bëhet në ambientet e universitetit “Luigj Gurakuqi”, siç ishte parashikuar por tek biblioteka e Universitetit të Shkodrës, në një godinë tjetër.

Kujtojmë këtu se Dega e PD-së së Shkodrës e ka konsideruar si provokim nga ana e kryeministrit Edi Rama, konstituimin e Këshillit Bashkiak në ambientet e universitetit, ku theksojnë se nuk do të lejojnë që aty ku 30 vite më parë u mblodhën të majtë e të djathtë për rrëzimin e regjimit komunist, të vendoset një tjetër regjim. Për këtë arsye u bëjnë thirrje qytetarëve që t’i bashkohen protestave. Po kështu selia e PD-së në Shkodër i ka kërkuar Rektorit të Universitetit ??Luigj Gurakuqi?? Adem Bekteshi ?të ruajë strikt paanshmërinë politike të institucionit??.

“Partia Demokratike,dega Shkodër ditën e nesërme në orën 10:00,para Prefekturës do të organizojë një protestë paqësore për mbrojtjen e vlerave të demokracisë e të dinjitetit tonë si qytetarë të Shkodrës. Ne nuk duhet asesi të pranojmë konstituimin e një këshilli ilegjitim e aq më pak në rektoratin e Universitetit ?Luigj Gurakuqi?. Aty ku krejt pranë, 30 vite më parë jemi mbledhur të gjithë pa asnjë ndasi politike,të majtë e të djathtë për rrëzimin e regjimit komunist. Pikërisht vendin që me 2 Prill, 4 dëshmorët e Demokracisë e lanë me gjakun e tyre e ku qindra të tjerë u plagosën. Rilindasit zgjodhën ish komitetin e partisë për të konstituar këshillin ilegjitim vetëm për të provokuar qytetarët e Shkodrës. Ne nuk mund të pranojmë të jemi dëshmitarë të vendosjes së një tjetër regjimi. I bëjmë thirrje Edi Ramës të mos luajë me zjarrin,të mos luajë me Shkodrën! Shkodra do të dijë sërish t?i dalë për Zot vetes. Prandaj i ftojmë të gjithë të bashkohen me ne,për dinjitetin e qytetit tonë,për dinjitetin e Shkodrës”, shkruan dega Shkodër./ CNA.al