web counter
LEXO PA REKLAMA!

SHKARKO APP

App Store
Google Play

E fundit!

x

"Mos luaj me zjarrin"/ PD e Shkodrës , thirrje  Ramës

18 Gusht 2019, 13:50, Politikë CNA

Nesër është parashikuar konstituimi nga mazhoranca i Këshillit Bashkiak të Shkodrës, por PD, dega Shkodër ka njoftuar se nuk do ta lejoj një sipërmarrje të tillë.

Në kundërshtim të këtij akti ata kanë lajmëruar mbajtjen e një protestë ditën e nesërme në orën 10.00.

Sipas PD-së: nuk mund të pranohet konstituimi i një Këshilli ilegjitim dhe, aq më pak, në Rektoratin e Universitetit të Shkodrës, duke kujtuar 2 prillin e 30 viteve më parë.

Njoftimi i PD-së, Shkodër:

Partia Demokratike, dega Shkodër ditën e nesërme në orën 10:00,para Prefekturës do të organizojë një protestë paqësore për mbrojtjen e vlerave të demokracisë e të dinjitetit tonë si qytetarë të Shkodrës.
Ne nuk duhet asesi të pranojmë konstituimin e një këshilli ilegjitim e aq më pak në rektoratin e Universitetit ?Luigj Gurakuqi?.

Aty ku krejt pranë, 30 vite më parë jemi mbledhur të gjithë pa asnjë ndasi politike, të majtë e të djathtë për rrëzimin e regjimit komunist. Pikërisht vendin që me 2 Prill, 4 dëshmorët e Demokracisë e lanë me gjakun e tyre e ku qindra të tjerë u plagosën.

Rilindasit zgjodhën ish komitetin e partisë për të konstituuar këshillin ilegjitim vetëm për të provokuar qytetarët e Shkodrës. Ne nuk mund të pranojmë të jemi dëshmitarë të vendosjes së një tjetër regjimi.

I bëjmë thirrje Edi Ramës të mos luajë me zjarrin, të mos luajë me Shkodrën! Shkodra do të dijë sërish t?i dalë për Zot vetes.
Prandaj i ftojmë të gjithë të bashkohen me ne, për dinjitetin e qytetit tonë, për dinjitetin e Shkodrës !
#partiademokratikeShkoder #pd/CNA.al





Lajmet e fundit nga