web counter
LEXO PA REKLAMA!

SHKARKO APP

App Store
Google Play

“Ndodhi para shtëpisë time”/ Rrëfimi tronditës i Malajt pas tragjedisë

17 Gusht 2019, 12:12, Politikë CNA

Ish-ministri i Ekonomisë dhe Financave, Arben Malaj ka reaguar për tragjedinë e djeshme, kur vdiqën dy punëtorë ndërtimi dhe u plagosën tre të tjerë në rrugën ?Faik Konica?.

Në një postim në rrjetet sociale, Malaj shkruan se ngjarja ndodhi pranë shtëpisë së tij dhe se njihej me disa prej punëtorëve.

Më tej, Malaj bën përgjegjëse Bashkinë e Tiranës për shembjen e skelës pranë pallatit në rrugën dhe kërkon hetim të menjëhershëm për ngjarjen.

”Kjo tragjedi ndodhi shumë afër shtëpisë time. Me disa prej punonjësve përshëndeteshim disa herë gjatë ditës. Vdekja e dy prej tyre dhe plagosja e tre shokëve të tyre të dhemb në shpirt. Bashkia bën mirë që stimulon investimet e përbashkët me komunitetit, por kontrolli i parë për çdo punim është çertifikimi i punonjësve sidomos në ndërtim kaq specifike deri në 15 apo 20 kate. Asnjë leje për fillim punime nuk jepet nga investitori pa verifikuar çertifikimet teknike të çdo punonjësi jo thjesht të administratorëve.

Bashkia e Tiranës ka një rregullore për këto punime dhe ngritjen e një Komisioni Mbikëqyrës për këto punime.

Pas kësaj mbikëqyrja në terren nga Bashkia është e qartësuar në rregulloren përkatëse. Një nga fitimet abuzive të kompanive në Shqipëri është kostoja e investimeve fizike dhe trajnuese e stafeve. Ata nuk paguajnë për trajnimet dhe pajisjet teknike te dmd. Këto fitime abuzive shpesh perfundojnë me vdekje dhe plagosje te punonjesve. Pra, fitimet janë kriminale. Hetimi duhet të jetë i shpejtë dhe efektiv. Larg çdo ndërhyrje deformuese. Bashkia e Tiranës duhet të jetë pjesë e hetimeve. Ndërsa aksioni i lyerjeve të pallatave duhet të mos nxitohet, të bëhet vetëm kur kompanitë, por edhe çdo punonjës i tyre, kanë trajnimet dhe çertifikimet e detyrueshme të sigurisë në punë.

U prehshin në paqe viktimat e pafajshme të kësaj tragjedie. Ngushëllime familjareve, miqve dhe shokëve të tyre!??-shkruan Malaj./ CNA.al





Lajmet e fundit nga