E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Tragjedia në Tiranë/ Arrestohen administratori dhe drejtuesi teknik i punimeve

17 Gusht 2019, 07:29, Kronika CNA

Një ditë pas tragjedisë në Tiranë, ku dy punonjës ndërtimi humbën jetën, ndërsa tre të tjerë janë plagosur rëndë pas rënies së një skele, mësohet se policia ka vënë në pranga dy persona.

Burimet bëjnë të ditur se janë arrestuar Xhimi Tarushi, administrator i kompanisë ?Xhimi?, si dhe drejtuesi teknik i punimeve, Ilir Bendo.

Gjithashtu policia bën të ditur se është në kërkim pronari i skelave ?Syla?, Petrit Syla.

Njoftimi i policisë:

Në lidhje me ngjarjen e ndodhur në rrugën ?Faik Konica?, në përfundim të veprimeve hetimore, të kryera nga ana e Komisariatit të Policisë Nr. 1 në Tiranë nën drejtimin e Prokurorisë së Rrethit Gjyqësor Tiranë, u bë arrestimi në flagrancë i shtetasve për veprën penale ?Shkelja e rregullave të mbrotjes në punë?, dhe konkretisht:

? Xh. T. 41 vjeç, me detyrë Drejtues Teknik i punimeve në firmën ?Xhimi?.

? I. B. 44 vjeç, me detyrë Drejtues Teknik i sigurisë së punimeve në firmën skela ?Syla?.

Si dhe u bë shpallja në kërkim e shtetasit P. S., me detyrë administrator i firmës skela ?Syla?, për veprën penale ?Shkelja e rregullave të mbrotjes në punë?.

Në rrugën ?Faik Konica? në pallatin Nr. 2, firma ?Xhimi? me administrator e Drejtues Teknik punimesh, shtetasin Xh. T., ka kryer punime në fasadën e jashtme të pallatit për veshjen me sistemin termoizolues (kapot). Po në këtë pallat, firma skela ?Syla? me administrator shtetasin P. S. dhe Drejtues Teknik të punimeve e montimit të skeles Inxhinierin I. B., ka montuar skelën metalike për punimet në fasadë.

Si pasojë e punimeve në këtë pallat, rreth ores 15.00 është rrëzuar skela metalike, e për pasojë kanë humbur jetën shtetasit E.B., 31 vjeç, punëtor ndërtimi në firmën “Xhimi, si dhe shtetasi O.K, 36 vjeç, punëtor i firmes skela ?Syla?.

Po nga rrëzimi i skelës janë plagosur dhe janë jashtë rrezikut për jetën, shtetasit G.B punëtor ndërtimi i firmës ?Xhimi?, E.L dhe A.M, punëtor i firmës skela ?Syla?.

Gjithashtu për këtë ngjarje filloi procedimi penal për veprën penale ? Shpërdorimi i detyrës ?, për punonjësit e Inspektoriatit të Punës Tiranë, pasi punonjesit nuk kanë ushtruar detyrën për kontrollin e masave të sigurisë në punë në pallatin ku ndodhi aksidenti dhe po vazhdon puna për dokumentimin ligjor për këta punonjës.

Materialet do t?i kalojnë Prokurorisë së Rrethit Gjyqësor Tiranë, për veprime të mëtejshme./ CNA.al