web counter
LEXO PA REKLAMA!

SHKARKO APP

App Store
Google Play

Zgjedhja e anëtarëve të Kushtetueses/ KED kërkesë Kuvendit dhe Presidencës

9 Gusht 2019, 18:34, Kronika CNA

Këshilli i Emërimeve në Drejtësi zhvilloi këtë të premte intervistat me gjashtë magjistratët që garojnë për t?u bërë anëtarë të Gjykatës Kushtetuese.

Magjistratët Arta Vorpsi dhe Fiona Papajorgji, gjyqtarja Regleta Panajoti, pedagogia Elsa Toska, prokurori Besnik Muçi dhe ish-kryeinspektorja e KLD-së, Marsida Xhaferllari, kandidojnë për 4 vende vakante në Gjykatë Kushtetuese.

Në përfundim të intervistave me të gjithë kandidatët, Këshilli i Emërimeve në Drejtësi vendosi të vijojë menjëherë me shqyrtimin nga secili anëtar i Këshillit të dokumentacionit voluminoz të çdo kandidati.

Në përfundim të procesit të pikëzimit KED do të thërrasë një tjetër mbledhje për të miratuar raportin e arsyetuar.

Pas miratimit, lista përfundimtare e renditjes së kandidatëve dhe aktet përkatëse të vlerësimit dhe pikëzimit të çdo kandidati dhe për secilin vend vakant do ti dërgohen Kuvendit dhe Presidentit të Republikës për zgjedhjen dhe emërimin e gjyqtarëve të Gjykatës Kushtetuese.

Në rast se emrat e intervistuar nga KED marrim emërimin nga parlamenti dhe presidenti atëherë gjykata kushtetuese mund të shqyrtojë çështjet e nxehta politike që kanë mbetur pa përgjigje dy vitet e fundit./CNA.al

 





Lajmet e fundit nga