web counter
LEXO PA REKLAMA!

SHKARKO APP

App Store
Google Play

Në arrati prej 7 vitesh/ Arrestohet 35-vjeçari shqiptar

8 Gusht 2019, 11:27, Kronika CNA

Merr fund arratija e një 35-vjeçari shqiptar nga burgjet greke. Mësohet se shqiptari ishte arratisur 7 vite më parë, në janar 2012, nga burgu i Patrës.

Pavarsisht arratisë 35-vjeçari ka vijuar aktivitetin e tij kriminal, pasi sipas policisë greke dyshohet se ai është një nga 2 autorët e grabitjes së një dege banke të ndodhur 3 ditë më parë në Parga.

35-vjeçari u arrestua nga një oficer i OPKE-së mbrëmjen e vonë të së mërkurës në një rrugë kryesore në Prevezë dhe më pas u identifikua, sipas policisë, si një nga dy grabitësit.

Po ashtu gjatë kontrollit të kryer në shtëpinë e shqiptarit, policia ka gjetur një pjesë të parave të sekuestruara nga banka, një armë dhe një identitet të rremë të autoriteteve italiane. Konkretisht, nga 26.630 euro dhe 200 dollarë të rrëmbyera nga dy hajdutët e bankave u gjetën në shtëpinë e 35-vjeçarit, 8,240 euro dhe 100 dollarë.

Mësohet se, 35-vjeçari shqiptar ishte i dënuar për vjedhje, grabitje të armatosur, vjedhje, mbajtje droge dhe hyrje të paligjshme në vend, ndërkohë kishte mundur të arratisej nga burgu pasi kishte marrë një pushim 6 ditor, duke mos u kthyer më. Tanimë 35-vjeçari shqiptar do përballet me një dënim deri në 19 vjet për veprat penale grabitje, armëmbajtje pa leje dhe vepra të tjera, ndërsa vijojnë hetimet edhe për arrestimin e bashkëpunëtorit të tij./ CNA.al





Lajmet e fundit nga