web counter
LEXO PA REKLAMA!

SHKARKO APP

App Store
Google Play

Kultivonin bimë narkotike/ Arrestohen dy të rinj në Vlorë

8 Gusht 2019, 09:03, Kronika CNA

Policia ka arrestuar sot dy persona ndërsa një tjetër është shpallur në kërkim pasi akuzohen se kanë kultivuar bimë narkotike, kanabis sativa.

Të arrestuarit janë shtetasit me inicialet A. B., 29 vjeç dhe A. Z., 24 vjeç, si dhe kanë shpallur në kërkim një 30 vjeçar tjetër, pasi dyshohet se janë të implikuar në bashkëpunim me njëri-tjetrin për kryerjen e veprës penale “Kultivimi i bimëve narkotike”.

Njoftimi i policisë

Finalizohet operacioni antikultivim “Bestrova”.

Asgjësohen disa bimë narkotike, vihen në pranga 2 shtetas dhe 1 tjetër shpallet në kërkim.

Procedohet në gjendje të lirë kryeplaku i fshatit.

Shërbimet e Policisë pranë Komisariatit të Policisë Vlorë, me anë të informacioneve të marra në rrugë operative kanë konstatuar një hapësirë toke të mbjella me bimë narkotike kanabis sativa në fshatin Bestrovë.

Në vijim të veprimeve, Policia ka arrestuar në flagrancë shtetasit A. B., 29 vjeç dhe A. Z., 24 vjeç, si dhe kanë shpallur në kërkim një 30 vjeçar tjetër, pasi dyshohet se janë të implikuar në bashkëpunim me njëri-tjetrin për kryerjen e veprës penale “Kultivimi i bimëve narkotike”.

Në lidhje me këtë ngjarje, Seksioni i Hetimit të Krimeve ka proceduar në gjendje të lirë kryeplakun e fshatit Bestrovë, shtetasin M.H., 67 vjeç, për veprën penale “Shpërdorim detyre”.

Materialet iu referuan Prokurorisë në ngarkim të këtyre shtetasve për veprime të mëtejshme./CNA.al





Lajmet e fundit nga