web counter
LEXO PA REKLAMA!

SHKARKO APP

App Store
Google Play

E fundit!

x

Forcohet, Ligji anti-duhan/ Kufizime dhe gjoba të larta për bizneset

7 Gusht 2019, 06:08, Sociale CNA

Ligji i ri ?Për mbrojtjen e shëndetit nga produktet e duhanit,hyn në fuqi në datën 15 gusht.

Ky ligj parashikon forcimin e një sërë masash, duke sjellë disa risi për duhanpirësit dhe subjektet.

Sipas ndryshimeve që janë bërë në këtë ligj, do të ndalohet përdorimi i cigares elektronike, duhanit me ngrohje apo shishe/nargjile, në ambiente të mbyllura.

Gjithashtu do të rriten masat penalizuese ndaj subjekteve që gjenden në shkelje të ligjit. Për të gjitha bizneset që lejojnë pirjen e duhanit në ambjente të brendshme, gjoba do të skojë deri në 300 mijë lekë.

Nëse do të përsëritet shkelja e ligjit nga bizneset, brenda një periudhe 3 mujore, atëherë gjoba dyfishohet, pra shkon në 600 mijë lekë, shkruan shqiptarja.com

Nëse biznesi i penalizuar për herë të dytë gjendet përsëri në shkelje brenda një afati kohor 1-vjeçar, atëherë ndaj tij vendoset gjobë në vlerën e 300 mijë lekëve dhe pezullim të aktivitetit deri në shlyerjen e masave të gjobës.

Ndryshimet në ligj ndalojnë promocionin e fshehur nëpërmjet ngjyrave të logos së produkteve të duhanit si dhe heqjen nga tregu nga qarkullimi të paketimeve të vogla, që kryesisht kanë nga 10 cigare.





Lajmet e fundit nga