Studiuesit ngren alarmin/ Ndryshimet e klimës: A është njeriu armiku më i madh i natyrës?

6 Gusht 2019, 10:27, Sociale CNA

Nxehtësi ekstreme në Europë, Japoni, SHBA, zjarre në pyje, shkrirje akujsh. Qindra studiues japin alarmin se ndryshimet e mëdha të klimës dhe shpejtësia me të cilën atop o ndodhin është me të vërtet shumë shqetësuese.

Pavarësisht apelit nga bashkësia botërore për kërcënimin e katastrofave nga ndryshimet klimatike, hapat për kufizimin e ngrohjes globale nuk janë efektive. Ndryshimi i klimës është realitet gjithnjë e më shumë i ndjeshëm, shkruajnë studiuesit. Kjo duket qartazi përmes rritjes së temperaturave mesatare, shkrirjes së akullnajave, rritjes së nivelit të detit, shkatërrimit të ekosistemeve.

Në një intervistë për RTK 1, duke folur për problemet globale me klimën, ndotjen e ajrit dhe shfrytëzimin tej mase të resurseve natyrore gazetari i Deëtche Welle, Bahri Cani ka dhënë alarmin se njerëzia ka shfrytëzuar të gjitha resurse dhe kapacitetet natyrore e ekologjike të mundshme për gjithë vitin, që në datën 29 korrik.

?Njerëzia është duke prerë pemën ku ajo po qëndron ulur dhe jo vetëm kaq pork a shkuar edhe më largë akoma, nëse nuk merr parasysh paralajmërimet e ekspertëve. Këto paralajmërime kemi mundur t?i ndjejmë edhe vetë këto ditë, ku në Gjermani janë shënuar temperaturat më të larta në historinë e saj 42.6 gradë celcius. Organizata Global Footprint netëork, pretendon se njërëzia ka shfrytëzuar të gjitha kapacitetet prodhuese të natyrës për këtë vitë deri në 29 korrik. Pra çdo shpenzim që do të bëhet tani dhe deri në fund të vitit janë të tepërta. Për herë të parë që nga 1971, vit kur kanë filluar të bëhen matjet e para, 2019 ka shënuar rekordin negative të problemeve me motin, duke shtuar vrullin e shkatërrimit të të gjitha resurseve natyrore.?, thotë gazetari i Dewtche Welle-s Cani.

Por, çfarë do të thotë shfrytëzimi i kapaciteteve të lejueshme natyrore për një vit.

?Deri më 29 korrik janë shfrytëzuar të gjitha resurset dhe burimet natyrore të cilat natyra dhe sistemet ekologjike do të mund t?i ripërtërinte gjatë një viti. Pra secili dru i prerë, apo çdo veprim i kryer me natyrën në pjesën e dytë të këtij viti është i tepërt. Një problematik shqetësuese e cila vjen nga e gjithë kjo është edhe çështja e ndotjes së ajrit me dyoksid karboni, në atë llojë mase aqsa oqeanet dhe pemët nuk janë të afta ta absorbojnë. Nëse nuk merren masa do të jetë tepër vonë për shoqërinë njerëzore. Këto reflektohen në shoqërinë e përditëshme përmes zhdukjes së llojeve të bimëve, shpendëve dhe kafshëve.

Ekspertët thonë se njeriu është ka shkatërruar në mënyrë të pamëshirshme natyrën dhe hapsirën e vetëvetes. Problemet klimaterike ndryshon nga rajoni në rajon. Katari i ka shfrytëzuar kapacitetet e tij njerëzore brenda 22 ditësh. Ndërkohë në Indonezi këto kapacitete do të zgjasin 322 ditë, gati gjithë vitin.?, shprehet gazetari.

Gjermania, vend i cili ka proklamuar me të madhe problematikat me ngrohjen e klimës është një ndër mëkatarët më të mëdhenj shprehet Cani. Ajo ka shfrytëzuar brenda 3 majit të gjitha resurset që duhej të përdorte brenda një viti.

Sipas gazetarit nëse vendet do të mund të vepronin të gjitha si Gjermania, atyre do t?ju nevoiteshin resurset e 3 tokave për të mbuluar të gjitha shpenzimet e tyre.

Ndër mëkatarët e tjerë të mëdhënj përsa iu përket problemeve klimatike dhe shfrytëzimit në masë të resurseve, po ashtu mbeten SHBA-ja me Kinën./ CNA.al