web counter
LEXO PA REKLAMA!

SHKARKO APP

App Store
Google Play

E fundit!

x

Bllokimi i Taivan/ Zbardhet dokumenti që “nxjerr bllof” Erion Braçen

2 Gusht 2019, 15:04, Politikë CNA

Drejtoria e Hetimit Tatimor bëri mbrëmë bllokimin e lokalit të njohur në mes të Tiranës, Taivan, në kuadër të aksionit antiinformalitet.

Ishte zv/kryeministri Erion Braçe ai që e bëri publik lajmin përmes një postimi në rrjetet sociale, teksa theksonte se aksioni i nisur me dorë të hekurt nga drejtoria e përgjithshme e Tatimeve, nuk do të kursejë askënd, nëse kapet në shkelje të ligjit.

Ndërsa publikoi edhe disa foto nga lokali në fjalë, ku në dyer ishin vendosur shiritat ?Hetimi Tatimor?.

Zv/kryeministri shkruan se ?Mu në zemër të Tiranës dhe pa asnjë-zero kupon tatimor në çdo tavolinë! Për herë të dytë!!?

Ndërkohë që menaxheri i këtij lokali, shprehet se nga aksioni i inspektorëve tatimorë, ka rezultuar se pa kupon tatimor, ka qenë vetëm një prej tavolinave, faktuar kjo edhe në procesverbalin e hartuar prej tyre, çka mund të vërtetohet dhe nga dokumentet e siguruara nga mediat.

Duke folur më tej, menaxheri i Taivan ka theksuar se do të apelojë masën e marrë nga drejtoria e hetimit tatimor, duke kërkuar lirimin e ambjenteve të bllokuara. Gjithashtu në apelimin e masës do të kërkohet edhe zhdëmtimi ekonomik ashtu si edhe për prishje të imazhit, duke marrë parasysh faktin se bllokimi i lokalit është kryer në kulmin e sezonit turistik./CNA.al





Lajmet e fundit nga