web counter
LEXO PA REKLAMA!

SHKARKO APP

App Store
Google Play

E fundit!

x

Shkarkimi i Komandantit të Forcave Detare/ Meta përplaset me Olta Xhackën

2 Gusht 2019, 14:11, Politikë CNA

Presidenti Ilir Meta ka dekretuar sot lirimin nga detyra të komandantit të Forcave Detare Ylber Dogjani, por jo mbi kërkesën e ministres së Mbrojtjes Olta Xhacka e cila kërkoi shkarkimin e Dogjanit shatë muaj më parë pas skandalit të vjedhjes së armëve në bazën ushtarake të Pashalimanit.

Asokohe, ministrja e Mbrojtjes Olta Xhaçka me propozim të Shefit të Shtabit të Përgjithshëm shkarkoi nga detyra 15 ushtarakë përgjegjës në drejtim-komandimin dhe çështjet e sigurisë e ruajtjes në Forcën Detare dhe Bazën e Pashalimanit.

Gjithashtu Ministrja e Mbrojtjes i propozoi Presidentit të Republikës, shkarkimin e komandantit të Forcës Detare, Gjeneralmajor, Ylber Dogjani.

Megjithatë, propozimi qëndroi 7 muaj mbi tryezën e Presidentit dhe Ilir Meta nuk veproi deri kur i mbaroi mandati duke mos e shkarkuar me motivacionin që i kërkoi ministria e Mbrojtjes, por për mbarim mandati.

“Me propozim të Ministrit të Mbrojtjes, dekretoj shkarkimin nga detyra të Gjeneral Major Ylber Selman Dogjani për shkak të mbarimit të mandatit” thuhet në njoftimin e Presidencës.

Dekreti i plotë i shkarkimit të Komandantit të Forcave Detare:

Presidenti Meta dekreton shkarkimin nga detyra të Komandantit të Forcave Detare, Gjeneral Major Ylber Selman Dogjani

DEKRET PËR SHKARKIM NGA DETYRA TË KOMANDANTIT TË FORCËS DETARE

Në mbështetje të pikës 3, të nenit 169, nenit 93 të Kushtetutës, të nenit 9, pika 3, germa ?c?, të ligjit nr. 64/2014, ?Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë?, të ndryshuar, me propozim të Ministrit të Mbrojtjes,

Dekretoj

Neni 1

Gjeneral Major Ylber Selman Dogjani, shkarkohet nga detyra e Komandantit të Forcave Detare, për shkak të mbarimit të mandatit.

Neni 2

Ky dekret hyn në fuqi menjëherë.

Nr. i Dekretit 11245

Tiranë, më 31.07.2019/CNA.al

 





Lajmet e fundit nga