web counter
LEXO PA REKLAMA!

SHKARKO APP

App Store
Google Play

Fati i Teatrit Kombëtar?/ Drejtori Çuli: Vendoset në shtator

31 Korrik 2019, 19:58, Kulturë CNA

Muaji shtator nuk pritet të jetë “këmbëmbarë” vetëm për politikën e drejtësinë e re, por edhe për ti dhenë goditjen e fundit kauzës së protestuesve që prej muajsh protestojnë për moslejmin e prishjes së godinës së Teatrit Kombëtar.

Lajmin e ka dhenë Drejtori i këtij Teatri, Ervin Çuli, i cili vijon të jetë pjesë e emisionit “Repolitix”, ku si temë diskutimi është “Teatri i polemikave”.

“U arrit një marrëveshje me Veliajn dhe një pjese të komunitetit që ishin në lëvizje, me sindikatën ku u bë një marrëveshje me Altin Bashën, Arben Derhemin që nuk do preket, madje  u bë një ligj i veçantë. Është ngritur një Komision, i cili negocion me firmat që do të futen në konkurrim. Ai nuk është projekti definitiv, është një nga konkuruesit. Komisioni  është i përbërë nga 7 veta, këta vendosin. Ka dalë thirrja publike për projektin e Teatrit Kombëtar, që mbyllen pas 2 muajsh, më 19 shtator.  Ka vetëm 10 ditë që është bërë thirrja. Pasi mbarojmë ne punë, këtu është lufta më e madhe, kalon në Parlament, tek Kryeministri dhe do ketë edhe një përballje publike. Dhe aty do ketë zëra nga komuniteti që mund ta kontestojnë apo ta përmirësojnë projektin deri sa të arrijmë tek plani final. 5500 m2 është hapësira e Teatrit, nga kjo nuk do të lëvizet asnjë metër. Kullat nuk kanë pikë lidhje me territorin e Teatrit Kombëtar”, përfundoi Çuli./CNA.al





Lajmet e fundit nga