web counter
LEXO PA REKLAMA!

SHKARKO APP

App Store
Google Play

E fundit!

x

Shahen me nënë dhe grua për pazaret e tyre/ Kupola e degraduar e politikës

28 Korrik 2019, 07:39, Politikë CNA

Qytetarët shqiptarë të keqpërdorur nga politika ndër vite janë të destinuar të mbesin të “ngujuar” dhe në varfëri.

Politikanët përplasen me njëri tjetrin për ca pushtet më shumë, për një karrige më shumë, për ca tendera me shumë, për ca PPP më shumë e për shumë të gjëra të tjera, vetëm për qytetarët jo.

Të zhgënjyer nga klasa politike, qytetarët, ua thonë copë aty ku kanë mundësi politikanëve se janë hajdutë dhe mashtrues.

CNA.al  ka bërë një vëzhgim sistematik në faqet zyrtare të politikanëve si në faqen e kryeministrit Edi Rama, kreut të PD Lulzim Basha, kryetares së LSI -së, Monika Kryemadhi apo dhe të Presidentit Ilir Meta.

Janë përkrahësit dhe ndjekësit e tyre që i demaskojnë, duke ua zbardhur gënjeshtrat pas çdo postimi që ata hedhin.

Por klanit politik, nuk i intereson ajo se çfarë thonë qytetarët, por përballë tyre shahen më nënë, grua dhe fëmijë, dhe pas perdes bëjnë pazare bashkë.

Koha ka treguar se të njëjtët, Edi Rama, Lulzim Basha, Monika Kryemadhi dhe Ilir Meta, kanë dalë me zgjidhje, vetëm pasi kanë sheshuar pazaret mes tyre.

Ndërkohë shqiptarët vijojnë të mbetet larg dyerve të Evropës dhe duke u përpjekur ambasadave apo edhe në të zezë, për të ikur nga Shqipëria ku këta politikanë e kanë fundosur.

Qytetarët nuk kanë zgjidhje, edhe sikur Opozita joparlamentare të merrte pjesë në zgjedhjet e 30 Qershorit.

Për qytetarët shqiptarë është njësoj si me këtë opozitë si pa këtë opozitë.

Kë mund të zgjedhin shqiptarët? Lulzim Bashën që tradhëtoi demokratët duke u bërë palë me Ramën me marravëshjen e 17 Majit, për hir të disa pazareve meskine për familjen e tij.

Lulzim Bashën që del e thotë është fundosur ekonomia, ndërkohë që familja e tij, kunati sa vjen dhe i shton bizneset.

Apo të votojnë për Monika Kryemadhin? Akoma më keq. Përballë Kryemadhit, Basha është e keqja më e vogël.

Kryemadhi dhe bashkëshorti i saj Presidenti Ilir Meta, i kanë hyrë në hak këtij populli, duke u pasuruar me paratë e tij.

Mbarë opinioni publik, pret që dyshja të dalë para drejtësisë, nëse do të ketë drejtësi ndonjëherë dhe të japë llogari për mënyrën se si e kanë vënë atë pasuri.

Por, edhe dërgimi i tyre në pranga është në pikëpyetje. Pazaret edhe pse quhen thashetheme vijojnë. Çifti Meta-Kryemadhi, të cilët fëmijët e tyre i kanë shpërndarë në shkollat më të shtrenjta të Evropës, nuk mund të lejojnë, t’ju ikë pasuria dhe të përfundojnë në burg.

Ata janë gati të sakrifikojnë apo edhe të derdhin gjakun e qytetarëve shqiptarë për të shpëtuar veten. Koha e ka treguar, se për pushtet çiftit në fjalë që i dhimbset Kushtetuta dhe vendi janë gati të bëjnë çdo gjë, që vetëm ata të mos preken.

Nga ana tjetër është Edi Rama që krenohet me zgjedhjet e 30 Qershorit. Por në votime, shkuan vetëm ata që ishin të detyruar të ruanin vendin e punës, ndërsa qytetarët që jetojnë në kushtet e një varfërie ekstreme, nuk u bënë gogla në kutitë e votimit.

Janë këta qytetarë, që çdo ditë ia thonë realitetin copë, ashtu siç është që e bojkotuan.

Por, mbi të gjitha kriza vazhdon, qytetarët po e pësojnë ndaj po largohen çdo ditë e më shumë nga vendi, ndërkaq ata vijojnë me pushimet, sigurisht me paratë tona, që na i zhvasin me lloj lloj skemash dhe që na i kanë vjedhur hapur ndër vite./CNA.al

 

 

 

 





Lajmet e fundit nga