web counter
LEXO PA REKLAMA!

SHKARKO APP

App Store
Google Play

E fundit!

x

Shefi i Misionit të FMN shpjegon pse Shqipëria është ndër më të varfërat e Europës

23 Korrik 2019, 17:13, Aktualitet CNA

Shefi i Misionit të FMN-së për Shqipërinë, Jan Kees Martijn, thotë se pritshmëritë për rritjen ekonomike të Shqipërisë të këtij viti do të rivlerësohen për shkak të të dhënave më të ulta sesa parashikimet në gjysmën e parë të 2019. Duke bërë një përmbledhje të situatës aktuale dhe asaj të pritëshme zhvillimore, gjatë një interviste për “Zerin e Amerikës”, Jan Kees Martijn, ndër të tjera shpjegon edhe pse Shqipëria është një nga vendet më të varfëra në Evropë” Po dhe pse nuk ka qenë në gjendje të ngrejë nivelin gjatë dekadës së fundit, pavarësisht nga një rritje ekonomike e moderuar dhe një performancë relativisht e qëndrueshme makro-fiskale?

“Për të arritur në nivelin e pjesës tjetër të Evropës është e nevojshme të kesh një rritje ekonomike në një periudhë afatgjatë. Për këtë ka shumë faktorë. Qëndrueshmëria makro-ekonomike është një prej tyre, pra inflacion i ulët, defiçiti nën kontroll, borxhi qeveritar që po ulet, dhe këto janë të pranishme. Por ka nevojë për shumë më tepër. Infrastruktura, siç e përmendëm, është një element kritik për shumë investitorë. Edukimi është shumë i rëndësishëm dhe mund të bëhet dhe duhet të bëhet më shumë në Shqipëri për të përmirësuar arsimin dhe pastaj është korniza ligjore e shtetit, institucionet që investitorët duan të shohin. Zbatimi i ligjit, eliminimi i problemeve të korrupsionit, avancimi i reformës së drejtësisë ? këto procese që do të forconin institucionet tek të cilat mund të mbështeten njerëzit, mendojmë se do të jenë një motor i rëndësishëm për një rritje ekonomike më të lartë dhe për më shumë investime në ekonomi”, ka qenë përgjigja e shefit të FMN-së./ CNA.al





Lajmet e fundit nga