E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

"Po përgatitet vjedhja e radhës"/ Kush do t'ia "hajë kokën" Veliajt?

21 Korrik 2019, 08:07, Aktualitet CNA

Kryebashkiakun e Tiranës Erion Veliaj jemi mësuar ta shohim me reklama në media dhe rrjete sociale.

Por përtej reklamave perfekte që ai bën, realiteti në Tiranë është krejt ndryshe.

Ky kosntatim vjen nga qytetarët që jetojnë në Tiranë dhe përballen çdo ditë me problemet e prodhuara nga mungesa e infrastrukturës, betonizimi dhe jo vetëm.

“Do të shkojmë nga një park estetik për syrin, që përdoret nga vetëm disa qytetarë, në një park të transformuar që do të përdoret nga 10-fishi i qytetarëve që e frekuentojnë sot atë. Një park, i cili do të rikonceptohet si një park ?butik? i zemrës së Tiranës”, ka shkruar Veliaj një ditë më parë në rrjetet sociale, duke iu referuar parkut “Rinia”.

Por, për qytetarët më shumë se një investim kjo është një vjedhje.

“Unë jam pro politikave sociale për Tiranën, por mendoj që ti po gabon me shpenzime të panevojshme. Kjo për mua është abuzim dhe shpenzim i panevojshëm dhe dikush duhet përgjigjur përpara drejtësisë. Përse nuk investoni diku tjetër? Unë jetoj në Londër dhe Hyde Park është tepër i thjeshtë si Parku Rinia por nuk investohet kuturu. Për mua dikush po përgatit vjedhjen e radhës, Erion Veliaj kujdes se dënohesh për korrupsion dhe vjedhje fondesh publike. Për mua Edi Rama kujdes se po të sabotohet reforma ekonomike me qëllim. Shpresoj të kuptosh paralajmërimet tona ( Socialiste – Tiranë) Erion Veliaj, mos prek Teatrin dhe anullo shembjen. Unë besoj që Parku Rinia dhe Teatri Kombetarë do të të hajnë kokën”, shkruan qytetari i cili identifikohet si militant socialist.

Janë të panumërta problemet që shqetësojnë qytetarët e Tiranës, ndërsa Veliaj reklamon shpenzimet të panevojshme siç thonë qytetarët.

“Të moshuarve rregullojini oborret e pallateve se e kanë të pamundur të shkojnë te parku Rinia për të luajtur domino apo shah. Ju nëpër pallate keni futur lokale në një kohë që duhet të vepronit ndryshe. Fëmijët dhe të moshuarit pranë pallateve, rinia në hapësira e ambjente të përshtateshme, ku të argëtoheshin pa shqetësuar të tjerët”, i shkruan një nga qytetaret e Tiranës.

Për të tjerë qytetarë, Tirana është bërë si Kandahari.

“Mundohu të investosh në infrastukturën urbane, o i nderuar, pasi për hir së vërtetës infrastuktura e Tiranës i ngjan më shumë ndonjë qyteti si Islamabadi, Delhi apo Kandahari se sa një qytet, qe realisht fizikisht ndodhet në Europë. Urbanistika është themeli o kryetar dhe jo “gjethet e pemëve’, shkruan qytetari në rrjetin social të Veliaj.

Nuk janë të pakta rastet, kur qytetarët e kanë nxjerrë blof Veliaj.

Një gjë e tillë ka ndodhur dhe në një postim të mëngjesit të sotëm nga Veliaj.

“Ekipi po kujdeset për mirëmbajtjen e hapësirave të gjelbra në Kombinat.”, ka shkruar Veliaj, duke shtuar edhe foto.

Mirëpo një qytetar e ka nxjerrë blof duke i shkruar ” ec 50 metra më poshtë. Balta dhe ujërat e zeza pushtojnë çdo cep. Po deshe të sjell e foto“./CNA .al