web counter
LEXO PA REKLAMA!

SHKARKO APP

Vendimi i Gjykatës për Sakon/ Gjata: “Uji çon mullirin në paratë e pista”

20 Korrik 2019, 19:52, Aktualitet CNA

Aleanca për Mbrojtjen e Teatrit zhvilloi mbrëmjen e sotme një dëgjesë me përfaqësues të Partisë Demokratike.

I pranishëm në këtë takim ishte edhe Sekretari për Çështjet Ligjore në PD, Çlirim Gjata.

Gjatë fjalës së tij, Gjata u ndal të komentonte edhe vendimin e dytë të Gjykatës së Durrësit, i cili i dha mandatin e kryetarit të bashkisë kandidates së PS, Valbona Sako.

?Nuk mundet një gjykatë e rrethit të marrë dy vendime për të njëjtën çështje për dy ditë. Sipas ligjit, vendimi i parë mbetet në fuqi dhe e rrëzon të dytin. Kjo është shkelje e rëndë pasi mandati i kryebashkiakut është individual.

Nuk ka më shtet ligjor. Po të ishin hapur dosjet e përgjimeve më 30 qershor mund të kishim zgjedhje. Po të kishte bërë prokuroria punën e vetë nuk do të ishim këtu. Po për ligjin e teatrit, sa shkelje kemi zbuluar. Uji çon mullirin në paratë e pista. Kemi shtet të një njeriu tani. Ai mbështetet te krimi, te oligarkët. Rrallë del një gjyqtar kurajoz?, u shpreh Çlirim Gjata./CNA.al

 





Lajmet e fundit nga