E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Basha gjen përgjegjësit/Fajin e kanë të deleguarit, kryetarët e degëve dhe baza!!!

14 Korrik 2019, 10:51, Aktualitet CNA

Tre armiqtë e rinj, brenda Republikës së Re, janë zbuluar së fundmi nga vetë kryetari. Më në fund Lulzim Basha ka pranuar dështimin, ka drejtuar gishtin, por pasi ka hedhur disa hapa dhe akuza konkrete.

Lëvizja më e fundit, ajo e emërimit të koordinatorëve të rinj në degë, jo me një vendim kryesie por me ?Urdhra? siç i pëlqen kryetarit. Janë qarkulluar shumica e të deleguarve, që tani quhen koordinatorë, nga Korça në Gjirokastër, nga Shkodra në Elbasan, nga Durrësi në Fier, nga Gjirokastra jashtë dhe shumë detaje si këto.

Në fakt Lulzim Basha nuk ka bërë asgjë tjetër, me këto lëvizje ka pranuar se shumica e tyre kanë dështuar aty ku kanë qenë, disa i ka përjashtuar fare, disa po i keqpërdor sërish, më kamikazët e servilët e tij shkelqejnë.

Ka theksuar se nuk ka besim tek të paktën 10 antarë kryesie dhe shumica e ish-grupit parlamentar të PD që nuk i ka përfshirë farë në proces. Një paralajmërim i qartë.

Dërgon një person në 3 degë ndërsa gjysmën e kryesisë dhe shumicën e ish-deputetëve i le jashtë, si t’i konsideronte ata dhe të tjerë përgjegjës për situatën që ka PD, por nga kjo përgjegjësi nuk përjashtohen edhe të qarkulluarit.

Në mbledhjen e fundit me stafin drejtues Lulzim Basha, theksoi se PD në degë e bazë, nuk është gati për zgjedhje edhe sikur Rama të pranojë 13 tetorin. Pra përgjegjësinë e dytë e kalon tek kryetarët e degëve dhe baza e PD. Me një process riorganizimi të turpshëm manipulativ, pa parime, me përjashtime dhe zgjedhje fiktive, sot, pas dy vjetësh PD nuk ka mbyllur edhe riorganizimin në bazën e saj. Dhe me gjithë mbështetjen e dhënë serish ndaj Bashës, Luli përgjegjësinë e kalon tek baza dhe kryetarët e degëve që nuk janë gati për zgjedhje.

Në fakt me këto lëvizje, sjellje dhe akuza brenda strukturës, Basha thjesht gjen ?armiqtë? e rradhës brenda partisë, që nga koordinatorët, kryetarët e degëve dhe baza e PD.

Të gjithë janë fajtorë, vetëm Lulzim Basha nuk ka asnjë përgjegjësi, për faktin se PD sot i ka dorëzuar të gjithë pushtetet Ramës në tavolinë, ka zhvilluar 10 protesta kombëtare dhe pas gjithë këtyre ?sakrificave? nuk është gati për zgjedhje të parakohshme. Republika e Re po lulëzon mbi hijen e PD. Kohët ndryshojnë një Republikë e Re po lulëzon gërmadhash të PD-së/CNA.al