web counter
LEXO PA REKLAMA!

SHKARKO APP

App Store
Google Play

E fundit!

x

Televizioni britanik "BBC" vë në pozitë Lulzim Bashën

1 Korrik 2019, 18:39, Aktualitet CNA

Lulzim Basha, kryetari i PD-së është intervistuar nga rrjeti televiziv britanik, ?BBC News?, lidhur me procesin e votimit të mbajtur në 30 qershor, por edhe për situatën politike që pritet ta pasojë atë në ditët e ardhëshme.

Basha ka pohuar sërish se PD nuk e njeh procesin, se tashmë pushtetin vendor e ka në dorë populli dhe pasi përmendi skandalet e përgjimeve të publikuara nga gazeta gjermane “Bild” etj., që konfirmonin blerjen e votave nga eksponentë të PS-së, u befasua nga kundërpyetja e intervistuesit.

“Që nga janari deri në qershor, Zëri i Amerikës, Deutsche Welle, gazetat britanike dhe kohët e fundit, gazeta gjermane Bild kanë publikuar dhe zbuluar përgjime të prokurorëve shqiptarë kundër mafies, në të cilat shfaqeshin biseda mes Kryeministrit, ministrave dhe anëtarëve parlamentit me bosët e krimit të organizuar, duke bashkëpunuar për të vjedhur zgjedhjet e vitit 2017”, ka qenë përgjigja e Bashës. Pas të cilës ai u vu në pozitë të vështirë nga pyetja e beftë e gazetarit intervistues që e pyeti:

“… Më vjen keq t?jua them, por akuzat dhe ekspozimet e mediave përfshijnë edhe partinë tuaj. Pra, çfarë duhet të mendojmë në këtë rast? A përfshihen të gjitha partitë në vjedhjen e votave?”

“Nuk ka implikime në lidhje me Partinë Demokratike. Ne nuk kemi vjedhur asnjë votë të vetme në zgjedhjet e vitit 2017 apo zgjedhjet e vitit 2015. Pretendimet e mediave janë pjesë e dosjeve zyrtare të anti-mafias të prokurorëve shqiptarë. Këto janë raste që janë nën hetim, por duke qënë se zoti Rama kontrollon gjyqësorin duke qënë se vendi është pa një Gjykatë Kushtetuese, pa një Gjykatë Supreme për më shumë se dy vjet, këto hetime janë ndalur dhe politikanët e përfshirë në këtë bashkëpunim me krimin e organizuar gëzojnë pandëshkueshmëri të plotë”, ishte përgjigja e Lulzim Bashës, që si gjithmonë i dredhoi të vërtetës./CNA.al





Lajmet e fundit nga